Хуссар Ирыстоны фидæн.
«Иудзинад» у ахæм парти, кæцыйæн Уæрæсейы Федерацийы ‘рдыгæй паддзахадон хæдбардзинад банымайыны хъуыддаджы нысаниуæгæн зын саргъгæнæн у. Уый фæстæ Хуссар Ирыстоны хæдбардзинад банымадтой Никарагуа, Венесуэлæ, Сири, Науру. Ацы банымад ссис РХИ-йы æхсæнадæмон банымады хъуыддаджы бæрæггæнæг. Уый ма ссис хицауиуæгады институтты æндидзынады æмæ рæзты, фыдыбæстæйон экономикæйы позитивон процессты бындур, кæцыйæн йæ разы нæй административон ныхдуртæ. Нæ парти фæд-фæдылонæй хъахъхъæдта Хуссар Ирыстоны хæдбардзинады идейæ æмæ рæстæг сбæлвырд кодта уыцы парадигмæйы рæстдзинад. Нæ фидæн – стыр Уæрæсеимæ æнгом æмцæдисады, йемæ интеграцийы, Мæскуыимæ æнгомгæнæн процессты рæзты.
«Иудзинад» закъондзинад æмæ барвæткы фарсхæцæг.
Парти «Иудзинад» у ахæм парти, кæцы хъахъхъæны Конституцийы, конституцион закъæтты, æхсæнадæмон царды æппæт фадгуыты закъондæттынады приоритет æмæ уæлиондзинад. Æрмæстдæр не ‘хсæнады æппæт уæнгты закъондзинад æмæ барвæтк æххæст кæнын гаранти дæтты нæ бæстæйы социалон стабилондзинад æмæ фæд-фæдылон рæзтæн.
Республикон политикон парти «Иудзинад» – РЦИ-Аланиимæ интеграцион процессты рæзты тыххæй.
Хуссар æмæ цæгаты ирæттæ сты иу адæм. Ирыстоны дыууæ хайы социалон, культурон æмæ экономикон рæзтæн ахицæнгæнæн нæй. Æмæ, РЦИ-Алани Уæрæсейы Федерацийы субъекттæй сæ иу кæй у, æмæ РХИ-имæ кæй æмарæн кæны, уый хынцгæйæ, иумæйаг рæзтæн экономикон уавæртæн ис уæлæмхас фадæттæ.
«Иудзинад» – профессионалты цæдис.
Парти нымайы, зæгъгæ, бæстæйы къухдариуæгадмæ домæнтæ сты, хицауиуæгады структурæтæм кусынмæ чи цæуы, уыдон хъуамæ хайджын уой ахæм миниуджытæй, куыд профессионализм, патриотизм æмæ намысдзинад. Нæ организацийы иунæг ахæм лидер дæр нæй, кæцы дзуапп нæ дæтты ацы домæнтæн. Уыдон сты ахæм адæм, кæцытæ компетентон сты паддзахадон арæзтады, барадон æмæ социалон-экономикон фарстаты, ис сын æнæсаргъгæнгæ цардуагон фæлтæрддзинад – рæдыдтытæ ма æруадзыны гаранти.
«Иудзинад» у ахæм парти, кæцы рацыд уæззау фæндæгтыл, йæ адæмимæ дих кодта æмæ дих кæны æппæт циндзинæдтæ æмæ цардуагон ивындзинæдтæ.
Дызæрдыггæнæн нæй, фидæны дæр кæй уыдзæн афтæ, æвзæрстыты фæстиуджытæм нæ кæсгæйæ.
Цы æмæ куыд фæнд кæны РХИ-йы Парламентмæ æркæсынмæ æмæ райсынмæ бавдисын.
- Æнæмæнгхъæуæг закъондæттынадон акттыл бакусын æмæ сæ райсын.
Банысангонд куыд æрцыд, афтæмæй закъондæттынады гъæды æмвæзад æмæ йе ‘ххæст кæнын сты Республикæйы комфортонæй цæрыны бындур.
«Иудзинад» нымайы, зæгъгæ, æнæмæнгхъæуæг у ахæм закъæттæ райсын:
- Парламенты тыххæй Конституцион Закъон.
Æмбæлон закъон ист æрцыд 2004 азы, фæлæ æххæст не ‘рцыд. Хъæуы рационалонæй ацы бындурæвæрæг закъоны архайды спайда кæнын.
1.2. Зæххы, Хъæды, Доны, горæтарæзтады Кодекстæ.
Ацы закъондæттæн акттæ райсын бирæ бæрцæй фæахъаз уыдзæн республикæйы цæрджыты царды гъæд фæхуыздæр кæнын, цардархайды бирæ фæрстæ æрбæстон кæнынæн.
Республикæйы цæрджыты царды гъæд фæбæрзонддæр кæнын хъуамæ уа цыфæнды, уæлдайдæр та, политикон организацийы сæйрагдæр нысан. Парти «Иудзинад» цыд уыцы фæндагыл æмæ цæудзæн дарддæр дæр. Растдæр уыцы нысанмæ здæхт æрцæудзысты партийы, йæ къухдариуæгады æмæ йæ рæнхъон уæнгты сæйраг тыхтæ.
- Традицион æргъадты æндидзынад æмæ фарсхæцынад.
Ирыстон зындгонд у йæ культурон, историон æргъадтæ æмæ традицитæй. Мах аудгæ ахаст дарæм нæ фыдæлты фæлтæрддзинадмæ, аргъ кæнæм æмæ уарзæм нæ истори. Нæ хæс у æппæт амæлттæй нæ традицион æргъадтæ бахъахъхъæнын. Дунейы вазыгджын уавæрмæ нæ кæсгæйæ, афтæ хуыйнæг «коллективон Ныгуылæны» фарсæрдыгæй атакæты ныхмæ фæлæугæйæ.
- Цæрджытæн комфортон цардуагон уавæртæ саразын.
Хуссар Ирыстоны цæрджыты цардуавæр саразын у бæстæйы стабилон рæзты æнæмæнгхъæуæг уавæр. Хæдзæртты дон, рухс, хъармдзинад, фæндæгтæ, бастдзинад, интернет сты æдасдзинады элементтæ æмæ царды гъæды æвдисджытæ. Сæрмагондæй, ныры онг æххæст не ‘рцыд районты газификацийы программæ. Уыцы уавæр расайдзæн хъæууон бынæтты негативон процесстæ, ныхдур æвæры социалон-экономикон рæзтæн, гуырын кæны æппæрццаг демографон миниуджытæ. Парламенты мах курдзыстæм РХИ-йы регионты социалон-экономикон программæ сæххæст кæнын. Уымæн æмæ мах уырны, республикæйы агросæудæджерадон комплексы рæзт у æрмæст экономикон нæ, фæлæ стратегион хæс.
