Хуссар Ирыстоны Централон æвзарæн къамис фæцис иумандатон æвзарæн округтæй раразмæгонд æстæм сæвзæрст Парламентмæ депутаттæм кандидатты æмæ политикон партиты республикон номхыгъдтæ регистраци кæныны процесс.
Централон æвзарæн къамисы пресс-службæ куыд фехъусын кодта, афтæмæй сæ кандидаттæ раразмæ кодтой 270 адæймаджы. Уыдонæй 121 уыдысты партиты номхыгъдты, 149 та – сæхи сæхæдæг чи раразмæ кодта кæнæ иумандатон округтæй политикон партитæ кæй раразмæ кодтой, уыдон.
Документты пакеттæм æркæсыны фæстæ Централон æвзарæн къамис депутаттæм кандидаттæй срегистраци кодта 112 адæймаджы иумандатон округтæй.
Уыдон дихгонд æрцыдысты ахæм хуызы:
Округ №1 – æхсæз адæймаджы (раразмæ кодтой 6)
Округ №2 – авд адæймаджы (раразмæ кодтой 11)
Округ №3 – фондз адæймаджы (раразмæ кодтой 6)
Округ №4 – дæс адæймаджы (раразмæ кодтой 13)
Округ №5 – цыппар адæймаджы (раразмæ кодтой 10)
Округ №6 – фондз адæймаджы (раразмæ кодтой 6)
Округ №7 – фараст адæймаджы (раразмæ кодтой 10)
Округ №8 – фараст адæймаджы (раразмæ кодтой 10)
Округ №9 – æртындæс адæймаджы (раразмæ кодтой 17)
Округ №10 – фондз адæймаджы (раразмæ кодтой 9)
Округ №11 –æртæ адæймаджы (раразмæ кодтой 3)
Округ №12 – фараст адæймаджы (раразмæ кодтой 13)
Округ №13 – авд адæймаджы (раразмæ кодтой 8)
Округ №14 – æхсæз адæймаджы (раразмæ кодтой 7)
Округ №15 – авд адæймаджы (раразмæ кодтой 7)
Округ №16 – æртæ адæймаджы (раразмæ кодтой 8)
Округ №17 – цыппар адæймаджы (раразмæ кодтой 5)
Централон æвзарæн къамис ма срегистраци кодта авд политикон партийы республикон номхыгъдтæ дæр. Уыдон сты:
«Иууон Ирыстон» 16 адæймаджы скондæй (уыдысты 19)
«Адæмон парти» 12 адæймаджы скондæй (уыдысты15)
«Дзыллæты иудзинад» авд адæймаджы скондæй (уыдысты 7)
«Ныхас» 16 адæймаджы скондæй (уыдысты 18)
«Коммунистон парти» 6 адæймаджы скондæй (уыдысты 7)
«Иудзинад» 9 адæймаджы скондæй (уыдысты 10)
«Иры фарн» авд адæймаджы скондæй (уыдысты 7)
Централон æвзарæн къамис не сразы сты фондз политикон партийы республикон номхыгъты регистрацийыл:
«Ирыстоны ног фæлтар» фондз адæймаджы скондæй
«Ирон» авд адæймаджы скондæй
«Фыдыбæстæ» аст адæймаджы скондæй
«Рæзты парти» фараст адæймаджы скондæй
«Рæстдзинады тыххæй» фараст адæймаджы скондæй.
Бакæнгæ куысты фæстиуджытæм гæсгæ, Парламентмæ депутатты æвзæрстыты хайад исынц 185 адæймаджы.
