Республикæ Хуссар Ирыстоны официалон делегацийæн, йæ сæргъ РХИ-йы Президенты Администрацийы къухдариуæггæнæг Козаты Игорь афтæмæй Тирасполмæ, Приднестроваг Молдоваг Республикæйы сырæзты боныл 27 азы сæххæсты цытæн бæрæгбонон мадзæлтты хайад райсынмæ цæугæйæ, Республикæ Молдовайы арæнхъахъхъæнджытæ бар нæ радтой сæ территоримæ бацæуынæн.

Республикæ Хуссар Ирыстоны Фæсарæйнаг хъуыддæгты министрад растыл нæ нымайы молдоваг хицауиуæгады ахæм архайдтытæ хуссарирыстойнаг делегацимæ ахасты, кæцы нæ фехæлдта нæдæр дунеон барады нормæтæ æмæ нæдæр Молдовайы закъондæттынад. Хъыгагæн,  уый фыццаг ахæм цау нæу, у Приднестровьейы дунеон изоляцийы барæй кæныны фæдыл Кишеневы политикæ дарддæр кæнын.

Æвзæры ахæм хъуыды, æмæ Республикæ Хуссар Ирыстон æмæ Приднестроваг Молдоваг Республикæйы ‘хсæн дыууæфарсон ахастыты рæзт Молдовайы разамынадæн у мæстыгæры фактор. Приднестровьейы политикон активондзинад æрбакъуындæг кæнынмæ ахæм æнæхъола бафæлвæрдтытæ бынтондæр ницы хуызы бакъуылымпы кæндзысты Хуссар Ирыстон æмæ Приднестровьейы ‘хсæн æппæтварсон бастдзинæдтæ дарддæр уæрæх кæнын æмæ хæларадон партнерон ахастытæ фидар кæнынæн, куыд æндæр бæстæтимæ, афтæ.

Официалон Кишенев йæ æнæраст политикон уынаффæтæй гæнæн ис бакъуылымпы кæна, сæ позицитæ кæй æввахс кæнынц, уый, афтæ ма разиан кæндзæн приднестроваг-молдоваг бæстонкæнынады процессæн йæхицæн дæр.

Уыимæ иумæ нæ уырны, Молдовайы хицауиуæгады ‘рдыгæй цахæмфæнды архайдтытæ дæр Приднестроваг Молдоваг Республикæйы æмбæстæгты кæй нæ бахъыгдардзысты ахсджиаг паддзахадон цау нысан кæнын, кæцы ссис, æцæгæйдæр, æппæтадæмон бæрæгбон.

Comments are closed, but trackbacks and pingbacks are open.