Уæрæсейы Мидхъуыддæгты министрады уæлдæр ахуыргæнæндæттæм бахауын кæй фæнды, уыцы абитуриенттæ та радтой дыууæ фæлварæны – уырыссаг æвзагæй æмæ æхсæнадзонынадæй. Ныр ма сын баззадис фæлварæн историйæ. Æдæппæт сæ нымæц у 33 адæймаджы – райдианы та сæ нымæц уыд 50 фылдæр.
Цæмæй фæлварæнтæ объектовон уой æмæ абитуриенттæ æмхуызон уа-вæрты радтой сæ фæлварæнтæ, уый тыххæй аудиториты бадынц æмæ процессмæ сæ хъус дарынц исæн къамисы минæвæрттæ. Уымæй уæлдай ма аудиториты ис видеофыссæн камерæтæ дæр æмæ кæд исчи дызæрдыг кæна ахуыргæнджыты рæстдзинадыл, уæд бакæсæн уыдзæн уыцы видеоæрмæджытæм. Стæй абитуриентты ныййарджытæ æмæ хиуæттæн дæр уыцы видеокамерæты фæрцы комкоммæ эфиры сæ бон у æмæ кæсой, фæлварæн куыд цæуы, уыцы процессмæ.
Ныры дуджы смартфоны фæрцы базонæн ис æппæт информаци дæр, уæлдайдæр та ахæм фæлварæнты фарстаты дзуаппытæ. Уымæ гæсгæ аудиторимæ бахизæны ист æрцæуынц смартфонтæ. Уымæй уæлдай ма аудиторийы мидæг ис æвæрд сæрмагонд аппарат, кæцы рæстæгмæ ахицæн кæны мобилон бастдзинад æмæ нал дæр искуыдæм фæдзурдзынæ, нал дæр SMS-хъусынгæнинаг арвитдзынæ.
ДЖИОТЫ Алыксандр
Comments are closed, but trackbacks and pingbacks are open.