Мæскуыйы ауагъдæуыд æхсæнадæмон сфæлдыстадон фестиваль «Мир рисует счастье». Конкурсы онлайны хуызы хайад истой Евразийы территорийы бæстæтæ. Хайад дзы райстой Хуссар Ирыстоны Къостайыхъæуы Хуызфыссынады студийы, афтæ ма Знауыры районы скъоладзаутæ дæр æмæ бацахстой призон бынæттæ.
Хорзæх кæныны цытджын церемонимæ æрбацыдысты Парламенты сæрдары хæдивæн Бесаты Зитæ, Ахуырады министр Лолаты Аслан, Культурæйы министры хæдивæг Мамиты Григори.
Сывæллæттæ се сфæлдыстадон куыстыты æрмæст амонды æнкъарæнтæ нæ равдыстой, фæлæ баиу кодтой алыгъуызон цæстæнгастæ алы сывæллоны царды уавæртæм дæр æмæ сæ равдыстой се сфæлдыстадон куыстыты.
Фонд «Благо дарим миру»-йы сæрдар Марина Волкова банысан кодта, зæгъгæ, ацы мадзал ауагътам, цæмæй æппæт бæстæты сывæллæттæ базоной æмæ равдисой, амонд куыд уынынц, уый.
Йæ ныхæстæм гæсгæ, фестивалы хуыздæрты ‘хсæн уыдысты хуссарирыстойнаг сывæллæттæ.
Фестивалы хайад райстой 14 бæстæйæ æмæ Уæрæсейы регионтæй та 54 минæвары.
Фестиваль уагъд цæуы дыккаг хатт æмæ дзы хуссарирыстойнаг сывæллæттæ дæр дыккаг хатт исынц хайад.
