РЦИ-Аланийы уагъд æрцыд УФ-йы сгуыхт тренер Фидараты Асланбегы рухс номыл спортивон хъæбысхæсты фестиваль. Ерысты хайад райстой хуссарирыстойнаг æвзонг богалтæ дæр. Бантыст дыууæ сыгъзæрин, иу æвзист æмæ цыппар бронзæ майданы рамбулын. Ерысты уæлахиздзаутæ систы Чилæхсаты Ибрагим (30 кг) æмæ Санахъоты Ален (41 кг). Дыккаг ссис Галуанты Æхсæртæг (35 кг) æмæ бронзæйон хорзæхтæ та бафтыдысты Галуанты Арсæмæг, Бететы Хетæг, Бекъойты Валери æмæ Багаты Асланы къухты.
Спортсменты бацæттæ кодтой тренертæ Гæджиты Артур, Гæззаты Алан, Джиголаты Андрей, Коцты Тамерлан, Гæджиты Марат, Бикойты Азæмæт, Багаты Вадим æмæ Хъесаты Петр.
ДЗЮДО
Ирыстоны дзюдойы скъолайы хъомылгæнинæгтæ хорз бæрæггæнæнтæ равдыстой Цæгат Кавказы Федералон зылды чемпиона-ты. Ерыстæ уагъд цыдысты Грознæйы. Фыццаг бынæттæ бацахстой Голоты Сæрмæт (73 кг) æмæ Къадзты Арсен (+100 кг). Æвзист призертæ систы Хацырты Петр (90 кг) æмæ Дзуццаты Александр (+100 кг).
Сылгоймæгты ‘хсæн та сыгъзæрин майдантæ рамбылдтой Гæджиты Алинæ (63 кг), Джиоты Изабеллæ (70 кг) æмæ Харебаты Ревекка (78 кг).
Пьедесталы дыккаг къæпхæнмæ схызтысты Зозырты Илонæ (70 кг) æмæ Гаглойты Эвелинæ (+78 кг). Бронзæ майдан та фæцис Со-хиты Аринæйы (57 кг).
ХУРИТЫ Батрадз
