Республикæ Хуссар Ирыстоны Президент Гаглойты Аланы Барамындæй Хуссар Ирыстоны Хъахъхъæнынады министрæн нысан æрцыд хæдивджытæ. Гарзджын тыхты Генералон штабы къухдариуæггæнæгæй нысан æрцыд Болататы Алан, Сæрмагонд скондимæ куысты фæдыл Хъахъхъæнынады министры хæдивæгæй — Сабанты Инал æмæ фæсчъылдымы фæдыл Хъахъ-хъæнынады министры хæдивæгæй та — Танделаты Вепхия.
Хъахъхъæнынады министры хæдивджыты министрады коллективæн базонгæ кодта, Президент Гаглойты Алан. Паддзахады сæргълæууæджы цæст уыдонæн бауарзта æнтыстытæ сæ бæрнон бынæтты æмæ Фыдыбæстæйы сæрвæлтау æнтыстджын куысты фæстиуджытæ. Уымæн æмæ Хъахъхъæнынады раз бирæ бæстонкæнинаг фарстатæ ис, фæлæ, зæгъгæ, махæн иумæ бантысдзæн уыдон аскъуыддзаг кæнын æмæ бæрæг уыдзысты уыцы позитивон ивындзинæдтæ.
Паддзахады сæргълæууæг ма бузныджы ныхæстæ загъта, Уæрæсейы Федерацийы Хъахъхъæнынады министрады номыл, сæ æгæрон æххуыс æмæ æппынæдзух нæ фарсмæ кæй сты, уый фæдыл. Ныфс бавæрдта министрады коллективæн, кусджыты куыстмыздтæ фæфылдæр кæныны фарст дæр скъуыддзаг кæй цæуы, уымæй.
Нæ уацх.
