18 декабрӕй 25 декабрмӕ Хуссар Ирыстоны территорийыл фыдракæнд не ‘рцыд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымӕй уӕлдай ма республикӕйы фӕндӕгтыл ӕрцыд ӕртӕ фӕндагон-транспортон цауы. Авариты фӕстиуӕгӕн рынчындонмӕ алыгъуызон цӕфтимӕ бахаудтой ӕртӕ адӕймаджы.
Алыгъуызон бархалыны фӕдыл горӕты милицийы управленийы кусджытӕ бӕрндзинадмӕ ӕркодтой дыууӕ адӕймаджы.
Фæндагон змæлды æдасдзинады инспекци къуырийы дæргъы сбæлвырд кодта 310 фæткхалæн цауы. Уыдонæй 18 шофыры разындысты нозтджынтӕ кӕнӕ та уыдысты наркотикты ӕндӕвдады бын.
Милицийы экономикон фыдракӕндтӕ ма ӕруадзыны фӕдыл управленийы кусджытӕ рейдон мадзӕлтты рӕстӕджы цалдӕр дуканийы баййӕфтой энергетикон нозтытӕ ӕмӕ карз нозтытӕ ӕнӕ лицензийӕ. Контрафактон продукци конфискаци ӕрцыд ӕмӕ амалиууӕггӕнджытыл та бакодтой административон суагъӕтӕ, кӕцытӕ ӕрвыст ӕрцӕудзысты тӕрхондонмӕ.
Горæт Цхинвалы милицийы фадыгон инспектортæ рейдон мадзæлтты рæстæджы базарадон объектты баййæфтой 300-йæ фылдæр пиротехникон дзаумайы æмæ сæ сконфискаци кодтой. Амалиуæггæнджытыл баконд æрцыдысты административон суагъæтæ æмæ сæ арвитдзысты тæрхондонмæ.
22 декабры изæры милицимæ фехъусын кодтой, зæгъгæ, Цхин-валы районы Къусреты хъæуы зынг сирвæзт 60-аздзыд бынæттон цæрæджы хисæрмагонд хæдзарыл. Зынгхуыссынгæнæн службæйы кусджытæ æвæстиатæй ссыдысты бынатмæ, фæлæ хæдзар уæдмæ басыгъд.
23 декабры рынчындонмæ уæззау уавæры бахаудта нæ горæты 34-аздзыд цæрæг, кæцы спайда кодта наркотикон буарад «Метадон»-æй.
Наркотикты ӕрзылды контроль кӕныны управленийы кусджытӕ оперативон информацийы фæдыл баурæдтой 40-аздзыд горæттаг цæрæджы, кæцы спайда кодта медицинон препарат «Лирика»-йæ. Фæткхалæджы тæрхондон фæивар кодта 80 мин сомы.
Цхинвалы районы милицийы кусджытæ баурæдтой 40-аздзыд бынæттон цæрæджы, кæцы спайда кодта марихуанайæ. Наркотиктæй спайда кæныны тыххæй ма сӕ зӕрдӕ фехсайдта 34-аздзыд горæттаг цæрæгмæ, фæлæ фæткхалæг нæ бакуымдта медицинон басгæрстмæ æмæ йæ тæрхондон фæивар кодта. Горæт Цхинвалы милицийы кусджытæ дӕр баурæдтой 34 æмæ 32-аздзыд горæттаг цæрджыты, кæцытæм сæ зæрдæ фехсайдта наркотиктæй спайда кæнынмӕ. Фæткхалджытæ нæ бакуымдтой медицинон басгæрстмæ æмæ сæ тæрхондон фæивар кодта.
