30 октябрæй 6 ноябрмæ Хуссар Ирыстоны территорийыл ӕрцыд иу фыдракæнд. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Къуырийы дæргъы республикæйы фæндæгтыл æрцыдис дыууӕ фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой дыууӕ адæймаджы, сӕ иу разынд ӕнӕххӕст кары сывӕллон.
Фæндагон змæлды æдасдзинады инспекци къуырийы дæргъы сбæлвырд кодта 315 фæткхалæн цауы. Уыдонæй 13 уыдысты нозтджынæй машинæ скъæрыны цаутæ.
30 октябры Дзауы районы Синагуры хъӕумӕ ввахс арӕнхъахъхъӕнджытӕ баурӕдтой 35-аздзыд адӕймаджы, кӕцы разынд Гуырдзыстоны ӕмбӕстаг. Уыдис æм кӕсагахсӕн хызтӕ. Фӕткалӕджы ӕркӕндзысты бӕрндзинадмӕ.
31 октябры нæ горæты 39-аздзыд горӕттаг цӕрӕг милицимӕ фехъусын кодта, зӕгъгӕ мын мӕ автомашинӕйӕ адавтой 40 мины аргъ сыгъзӕрин цонгдарӕн. Милицийы кусджытӕ уадзынц оперативон-агурӕн мадзӕлттӕ фыдгӕнӕджы сбӕлвырд кӕныны тыххӕй.
2 ноябры рынчындонмӕ бахаудта горӕты 49-аздзыд цӕрӕг, кӕцы хӕдзары фӕулӕфыд сыгъдхъӕстӕ.
3 ноябры милицимӕ фехъусын кодтой, зӕгъгӕ Цхинвалы хъӕуы Ногхъӕуы ссардтой 1500 фылдӕр ӕхсӕнгарзы нӕмгуытӕ. Бынатмӕ ссыдысты сапертӕ ӕмӕ сӕ раластой.
4 ноябры рынчындонмӕ уӕззау уавӕры бахаудта 41-аздзыд горӕттаг цӕрӕг. Куыд рабӕрӕг, афтӕмӕй ацы ӕмбӕстаг спайда кодта наркотиктӕй. Фӕткхалӕг нӕ бакуымдта медицинон басгӕрстмӕ.
Цхинвалы районы милицийы кусджытæн рейдон мадзæлттæ уадзыны рæстæджы фондз шофырмæ сæ зæрдæ фехсайдта наркотиктæй спайда кæнынмæ. Медицинон басгӕрст куыд рабӕрӕг кодта, афтӕмӕй дзы цыппарӕй спайда кодтой марихуанайӕ, иу та – морфинӕй. Баурæдтой ма 30 ӕмӕ 25-аздзыд бынӕттон цӕрджыты, кæцытӕ нӕ бакуымдтой медицинон басгӕрстмӕ ӕмӕ сӕ тӕрхонджон фӕивар кӕндзӕн. Наркотикты æрзылды контроль кæныны управленийы кусджытæ дӕр баурæдтой 41 ӕмӕ 31-аздзыд горæттаг цæрджыты, кæцытæ спайда кодтой марихуанайæ. 44-аздзыд бынӕттон цӕрӕгмӕ дӕр сӕ зӕрдӕ фехсайдта наркотиктӕй спайда кӕнынмӕ, фӕлӕ сын медицинон басгӕрстмӕ нӕ бакуымдта ӕмӕ йӕ тӕрхондон фӕивар кӕндзӕн.
