«МАХ ДУГ»-ы 5-æм  НОМЫР

Мыхуырæй рацыд литературон-аивадон æмæ æхсæнадон-политикон æрвылмæйон журнал «Мах Дуг»-ы радон 5-æм номыр.

Журнал байгом Хаджеты Таймуразы æмдзæвгæты циклæй «Фыдыбæстæ, сæрибар æмæ уæлахиз».

Ацы аз прозаик æмæ драматург Бицъоты Грисы райгуырдыл сæххæст 90 азы. Журналы мыхуыр æрцыд йæ радзырд «Сомыхъом уыдзынæн». Мыхуыр ма цæуынц Хуыгаты Сергейы мысинæгтæ «Иу хаттæй иннæмæ», афтæ ма Гусалты Барисы мысинæгтæ дæр «Фыццагон ирон лæг-фыссæг».

Бицъоты Грисы цард æмæ æхсæнадон архайдыл дзурæг къамтимæ нæ зонгæ кæны рубрикæ «Мах Дуг»-ы равдыст».

Поэт, фыссæг, публицист Гаджиты Георгийы райгуырдыл сæххæст 90 азы. Уый цытæн журналы мыхуыр æрцыд йе ʻмдзæвгæты цикл «Æз цардæй æнцойад нæ домын». Мыхуыр ма æрцыдис «Æмдугонтæ Георгийы тыххæй».

Прозæйæ журналкæсæг æхсызгонæй бакæсдзæн Джимиты Кларæйы уацау «Залиханы фырт».

Рубрикæ «Мах Дуг»-ы премийы лауреатты сфæлдыстад»-ы бын мыхуыр цæуы Хуыгаты Сергейы радзырд «Хъисфæндыр». Гоститы Ларисæйы уац «Аргъуаны скъолаты цард амидингæнæг», зæгъгæ, журналкæсæг бакæсдзæн рубрикæ «Аланыстоныл саргъуыды 1100 азы бонмæ»-йы бынмæ.

Рубрикæ «Публицистикæ»-йы бын журнал мыхуыр кæны Кучиты Русланы мысинæгтæ «Фæстаг фембæлд», Гусалты Барисы этюдтæ «Уыгæрдтæ» æмæ Хъайтыхъты Риммæйы «Уæллаг Ходы хабæрттæ».

Хозиты Барисы уац «Дур-Дур – Тугъанты хъæуы истори» мыхуыр æрцыд рубрикæ «Критикæ æмæ библиографи»-йы бын.

Журнал ма мыхуыр кæны «Мæйы цаутыл афæлгæст».

Нæ уацх.