Бæрæгбонон мадзæлттæ нысан кæныны фæлгæтты Хетæгкаты Къостайы номыл Паддзахадон драмон театры уагъд æрцыд Цæгат Кавказы федералон зылды иугонд симфонион оркестры бæрæгбонон концерт Республикæ Дагъыстан æмæ Цæцæны Республикæйы симфонион оркестрты дирижер Валерий Хлебниковы къухдариуæгадæй.
Бæрæгбонон мадзалмæ бацыдысты Президент Бибылты Анатоли, РЦИ-Аланийы Сæргълæууæг Битарты Вячеслав, Хуссар Ирыстоны УФ-йы Уæлвæткон æмæ æх-хæстбарджын минæвар Марат Кулахметов, Донецкы Адæмон Республикæйы Сæргъ-лæууæг Денис Пушилин, арæнгæрон æм-гуыстады фæдыл УФ-йы Президенты Управленийы хистæр Алексей Филатов, Приднестроваг-Молдоваг республикæйы Уæлдæр советы сæрдары хæдивæг Сергей Чебан, Луганскы Адæмон Республикæйы Адæмон советы депутат Денис Колесников, Хуссар Ирыстоны æхсæнады минæ-вæрттæ.
Республикæ Хуссар Ирыстон расидыныл 29 азы сæххæсты сæраппонд æрæмбырд-уæвджытæн арфæ ракодта Бибылты Анатоли. «Ноджы дæр мæ иу хатт стыр бузныг зæгъын фæнды уыцы адæмæн, кæ-цытæ райстой ацы уынаффæ æмæ алцы-дæр сарæзтой уый тыххæй, цæмæй абон мах сымахимæ цæрæм хæдбар республикæйы. Стыр бузныг Уæрæсейы Федерацийæн уыцы къахдзæфты тыххæй, кæцыты уый аразы, цæмæй нæ республикæ рæза», – загъта уый.
Владимир Путины номæй Хуссар Ирыстоны адæмæн арфæ ракодта Марат Кулахметов æмæ йын бакаст йæ арфæйы фыстæг.
«Сæрыстыр хуссарирыстойнаг адæм хъæбатырæй рахызтысты æппæт ныхдурты сæрты æмæ 1990 азы сæ разы æрæ-вæргæ нысан сæ къухты бафтыд. Хуссар Ирыстон у Донецкы Адæмон Республи-кæйы æууæнкджын æмæ иузæрдион хæлар. Фыццаг сымах банымадтат нæ паддзахады хæдбардзинад, нæ адæммæ нын фæдаргъ кодтат уе ‘ххуысы къух, бакодтат нын æнæмæнгхъæуæг æххуыс, уæлдай тынгдæр нæ куы хъуыд, уæд. Уырны мæ, дарддæр дæр нæ бæстæты ‘хсæн ахастытæ кæй фи-дардæр кæндзысты, уый», – загъта Денис Пушилин.
Уый фæстæ æрæмырдуæвджытæн арфæ ракодта Цæгат Ирыстон-Аланийы Сæргълæууæг Битарты Вячеслав. Уый æппæт ирон адæмæн бафæндыд сабырад æмæ фæрныгад æмæ банысан кодта, зæгъгæ, Республикæйы бон у Республикæ Хуссар Ирыстоны сæйрагдæр паддзахадон бæрæгбонтæй сæ иу, кæцы æвдисы, æрмæст æхсардзинад æмæ монон тых нæ, фæлæ хисæрмагонд фидæныл æууæнк-дзинад.
Хуссарирыстойнаг адæмæн ма бæрæгбоны сæраппонд арфæйы ныхæстæ загъ-той арæнгæрон æмгуыстады фæдыл УФ-йы Президенты Управленийы хистæр Алексей Филатов, Приднестроваг-Молдо-ваг республикæйы Уæлдæр советы сæрдары хæдивæг Сергей Чебан, Луганскы Адæмон Республикæйы Адæмон советы депутат Денис Колесников.
Уый фæстæ сценæмæкæсджытæн æвдыст æрцыд концерт, цыран иугонд симфонион оркестр равдыста национ скъолаты нырыккон композиторты уацмыстæ. Афтæ ма сæххæст кодтой ирон уацмыстæ дæр.
Comments are closed, but trackbacks and pingbacks are open.