Ирон Нартиадæйы фольклорон-этнологон энциклопедийы æртæтомон, кæцы суыдзæн хъайтартæ-бæгъатырты тыххæй ирон Нарты таурæгъты системонæй æрбаиу кæныны фыццаг фæлварæн, рухс фендзæн 2021 азы кæрон, – хъусын кæны Уæрæсейы зонæдты академийы Дзæуджыхъæуы зонадон центры директор, эн-циклопеди рауадзыны фæдыл проекты къухдариуæггæнæг Цыбырты Алексей. Нарты эпос – ирон адæмы хæзнадонмæ – цымыдис кæнынц алы бæстæты ахуыргæндтæ. Нарты кадджытæ лæууынц иу рæнхъыл ахæм зынгæ цыртдзæвæнтимæ, куыд «Шах-наме», «Калевала», «Давид Сасунский».
«2021 азы кæронмæ мах цæ-уæм уæзгæ фæстиуæгимæ – план цæуы «Энциклопедия осетинской Нартиады»-йы æртæтомон ра-уадзын. Ахæм зонадон рауагъдæн абон аналогтæ нæй дунейы. Ацы масштабон проектыл нæ ахуыр-гæндты къорд куыста аст азы бæрц», – банысан кодта Цыбырты Алексей. Авторты коллектив æрбаиу кодта 50 специалисты – лингвисттæ, литературæзонджытæ, историктæ, этнологтæ, археологтæ, экономисттæ, кæцыты ‘хсæн сты Цæгат æмæ Хуссар Ирыстоны, Мæскуы, Киев, Ростов, Минеральные воды»-йæ. Уыдоны фæрцы энциклопедиты академион рауагъдмæ бавдыст æрцæудзæн практикон æгъдауæй национ эпосы æппæт тематикæ. «Рауагъды статьяты æвдыст цæуынц Нартиадæйы æппæт аспекттæ – истори, сюжеттæ æмæ циклтæ, хъайтартæ, æндæр мифтимæ параллелтæ, мифологион уидæгтæ æмæ ирон адæмон эпосы реалон бастдзинæдтæ, Нартиадæйы æндæр верситимæ ирон кадджыты анализ, эпосты дунеон системæйы Нарты эпосы бынат æмæ бирæ æндæртæ. Иллюстрацигонд æрмæджы зынгæ гуырахст ахсынц нывтæ æмæ иллюстрацитæ, кæцыты ‘хсæн сты æвзонг нывгæнджыты куыстытæ дæр. Ныфс нæ ис æмæ рауагъды тираж уыйбæрц кæй уыдзæн, цæмæй йемæ базонгæ уой фылдæр адæм, – банысан кодта Цыбырты Алексей.
Comments are closed, but trackbacks and pingbacks are open.