Петербургаг режиссер Гуæцæлты Марат ссис Пермы оперæ æмæ балеты театры сæйраг режиссер. Уый архайдзæн æрхонгæ режиссерты кастингæй æмæ араздзæн репертуарон политикæ генералон директоримæ æмæ театры иннæ сфæлдыстадон лидертимæ иумæ. Ацы бынаты уый раивта театры аивадон къухдариуæггæнæг Теодор Курентзисы.

Гуæцæлты Марат у «Золотая маска»-йы хицау «Режиссеры хуыздæр куыст»-ы номинацийы. 2016 азы онг куыста Санкт-Петербурджы Александринскаг театры ног сценæйы сæйраг режиссерæй.

«Маратимæ мах кæрæдзи хорз æмбарæм, хорз зонгæ стæм, оперæ æмæ балеты театры раз абон цы хæстæ лæууынц, уыдоны дæр. Пермы уæвынад кæны тыхджын традици, кæцы ныртæккæ домы дарддæры рæзт. Уырны мæ, Гуæцæлты Марат йæ аивадон курдиаты фæрцы кæй адарддæр кæндзæн ацы традици», – загъта Пермы оперæ æмæ балеты театры генералон директор Андрей Борисов.

Гуæцæлты Марат у актер, режиссер, педагог. 2009 азы каст фæцис театралон аивады уæрæсейаг институты режиссерон факультет. 2009-2012 азты уыд Мæскуыйы драматурги æмæ режиссурæйы центры аивадон къухдариуæггæнæджы хæдивæг, 2011-2012 азты къухдариуæг кодта «Мастерская на Беговой»-йы сфæлдыстадон лабораторийыл.  2012-2014 азты уыд Эстонийы уырыссаг театры аивадон къухдариуæггæнæг. 2017 азы Гуæцæлты Марат Мариинаг театры Гергиты Валериимæ сæвæрдта  Штраусы музыкалон драмæ «Саломея».

Comments are closed, but trackbacks and pingbacks are open.