Дзыллон информацийы фæрæзты цытджын кусджытæ, ветерантæ!
Арфæ уын кæнын уæ профессионалон бæрæгбоны цытæн!
Æппæт рæстæджыты дæр цаутæ раст æмæ объективонæй æвдисынæн уыд бындурон нысаниуæг æхсæнадон хъуыды аразынæн æмæ демократон æргъадтæ сфидар кæнынæн.
Фыдыбæстæйон дзыллон информацийы фæрæзты минæвæртты намысджын куысты ахсджиагдзинад уæлдай тынгдæр фæбæрæг информацион фæсидтыты рæстæджыты. Æхсæнадон изоляцийы æмæ политикон æндыгъддзинады уавæрты сымах равдыстат бæрзонд профессионализм, компетенци æмæ хуыздæр адæймагон миниуджытæ, ныхдурты сæрты хизгæйæ, æргом кодтат рæстдзинад сæрибардзинад æмæ хæдбардзинады сæрыл хуссайраг ирæтты тохы тыххæй.
Абон сымах æппæт тыхтæй дарддæр лæггад кæнут Райгуырæн бæстæйæн, Республикæ Хуссар Ирыстоны интерестæ хъахъхъæныны æмæ дунеон аренæйы бæстæйы авторитет сфидар кæнынæн ахъаз кæгæйæ.
Бузныг уын уæ равзаргæ фæндагыл æнувыддзинады тыххæй. Уæ куыст адæймаджы разæнгард кæны ног бæрзæндтæм тырнынмæ.
Зынаргъ хæлæрттæ!
Ацы нысаниуæгджын боны сымахæн æмæ Республикæ Хуссар Ирыстоны территорийыл уæрæсейаг информацион агентадтæй йæ архайд чи æххæст кæны, уæ уыцы коллегæтæн мæ зæрдæ зæгъы фидар æнæниздзинад, амонд, æвидигæ тыхтæ æмæ энерги уæ разы æрæвæргæ нысæнттæ къухты бафтын кæныны тыххæй!
Уадз, уæ царды уæд æрмæстдæр сабыр фæллойæ йемыдзаг бонтæ. Уадз, алыхатт дæр уемæ æмдзу кæнæнт уды ныфсхастдзинад æмæ оптимизм!
Республикæ Хуссар Ирыстоны Президент ГАГЛОЙТЫ Алан
