РХИ-йы Президент Бибылты Анатоли фембæлд Донецкы Адæмон Республикæйы делегациимæ, кæцы Хуссар Ирыстонмæ æрцыд Хæдбардзинад банымайыны боны бæрæгбонмæ.
Донецкы Адæмон Республикæйы делегацийы сконды уыдысты Адæмон Æмбырды депутаттæ Екатеринæ Мартьянова æмæ Александр Яровиков.
Бибылты Анатоли банысан кодта Донецкы Адæмон Республикæйы разамынады хъусдард Хуссар Ирыстонмæ.
«Нæ бадзырдтæ бындуриуæг кæнынц, дыууæ республикæйы ‘хсæн процессты ахсджиагдзинад иугъуызон кæй æмбарæм, ууыл. Уыдонæн ис стыр потенциал Донецкы Адæмон Республикæ æмæ Хуссар Ирыстоны экономикæтæн. Донецкы Адæмон Республикæйæн абон кæд æнцон нæу æмæ Хуссар Ирыстон цы фæндагыл рацыд, ууыл æй кæд нырма хъæуы рацæуын, уæддæр уымæ нæ кæсгæйæ, мæн ныфс ис, сабырад кæй æрцæудзæн уæ зæхмæ æмæ республикæ кæй суыдзæн дидинæфтауæг паддзахад», – банысан кодта Президент.
Уый ма афтæ Донецкы Адæмон Республикæйы адæмæн раарфæ кодта Шахтеры боны сæраппонд, кæцы нысан цæуы 27 августы.
Екатеринæ Мартьянова Бибылты Анатолийæн радта уарди дидинæг, кæцы арæзт æрцыд, Донецкы чи фехæлдысты, уыцы снарядты схъистæй.
«Уарди у Донецкы символ. Кæддæр нæ горæты сагъд æрцыдысты милуан уарди дидинæджы, ома, Донецкы цал цæрæджы ис, уал дидинæджы. Ныртæккæ Донецкы Адæмон Республикæйы сæйраг горæты райхæлдысты дыууæ милуан уарди дидинæджы, ахæм ныфсæй, æмæ йæ цæрджытæ дæр кæй фæфылдæр уыдзысты», – загъта Донецкы Адæмон Республикæйы Адæмон Æмбырды депутат.
Ацы æрмæджытæ дæр бакæс:
РХИ-йы Президент Бибылты Анатолийы кусæгон визит Донецкы Адæмон Республикæмæ
Бибылты Анатоли: Донецкы Адæмон Республикæ æмæ Ирыстоны ‘хсæн цæуынц арф интеграцион процесстæ
Республикæ Ирыстон æмæ Донецкы Адæмон Республикæ сæ къухтæ æрфыстой хæлардзинад, æмгуысткæнынад æмæ кæрæдзийæн æххуысы тыххæй бадзырдыл
Хуссар Ирыстон æмæ Донецкы Адæмон Республикæты ‘хсæн меморандумыл къухтæ æрфыстæуыд
Хуссар Ирыстоны делегаци — Донецкы Адæмон Республикæйы
Comments are closed, but trackbacks and pingbacks are open.