Республикæ Хуссар Ирыстоны Æдасдзинады советы æмбырды РХИ-йы Президент Тыбылты Леонид фарст æрæвæрдта Республикæ Хуссар Ирыстоны арæнгæрон зонæмæ цæуыны проблемæты фæдыл. Уый тыххæй фехъусын кодта Президенты пресс-секретарь Гана Яновская.

Республикæ Хуссар Ирыстоны арæнгæрон зонæмæ адæймæгты æмæ транспортон фæрæзты бацæуыны фæтк æвæрд цæуы Республикæ Хуссар Ирыстоны территорийыл арæнгæрон зонæйы Арæнгæрон режимы фæткойтæм гæсгæ, кæцытæ фидар æрцыдысты РХИ-йы Хицауады 2012 азы 3 августы райстæрцæуæг уынаффæмæ гæсгæ. Республикæ Хуссар Ирыстоны территорийы арæнгæрон зонæйы арæнгæрон режим фидар æрцыд Республикæ Хуссар Ирыстоны паддзахадон арæнтæ хъахъхъæныны æмбæлон уавæртæ саразыны тыххæй.

Уыимæ иумæ, арæнгæрон режим сифтонг кæныны фæдыл закъондæттынадмæ гæсгæ æмбæлон мадзæлттæ цæрджытæм æвзæрын кæнынц алыгъуызон реакци. Уый фæстиуæгæн Республикæ Хуссар Ирыстоны Президент Тыбылты Леониды номыл æрбацыд бирæнымæц куырдиæттæ республикæйы æмбæстæгтæй, кæцытæ цæрынц арæнмæ æввахс æмæ æмбæлынц бæрæг зындзинæдтимæ. Уый тыххæй йе ‘мбырдтæй сæ иуы Тыбылты Леонид бахæс кодта, цæмæй фарст ахуыр æрцæуа цыбыр рæстæгмæ æмæ ссардæуа сæвзæргæ проблемæ аскъуыддзаг кæныны тыххæй фæндæгтæ æмæ Æдасдзинады советы æмбырды боны фæткмæ хаст æрцæуа ацы фарст.

Президент банысан кодта, зæгъгæ, фарст у серьезон æмæ йæ хъæуы максималонæй тагъд аскъуыддзаг кæнын, фыццаджы фыццаг, хи паддзахады æмбæстæгты интерестæ бахъахъхъæнгæйæ.

«Ам дзырд цæуы не ‘мбæстæгтыл, кæцытæ абон æвзарынц зындзинæдтæ. Цæрджыты фарстытæн та дзуаппытæ лæвæрд хъуамæ æрцæуа паддзахады æрдыгæй», — фехъусын кодта Президент.

Comments are closed, but trackbacks and pingbacks are open.