Кæронмæ бахæццæ ис милицийы сæрмагонд нысаниуæджы къорды дæлхæйтты ‘хсæн турнир футболæй. Ерыстæ цыдысты 3 боны æмæ дзы хайад райстой цыппар командæйы. Хъæзтытæ уагъд цыдысты Цхуырбаты Гурамы номыл республикон стадионы. Турнир цыдис ахæм системæйыл, кæцыйы алчи дæр хъазы алкæимæ æмæ æмбырд кæнынц очкотæ.
Хъæзтытæ рауадысты тынг цымыдисон, командæтæ тох кодтой кæронмæ, сæ арæхстдзинад æвдыстой хъазæн фæзы алы гæппæлыл дæр. Фæстаг хъазты фембæлдысты дыккаг æмæ æртыккаг оперативон ротæтæ æмæ сæ фембæлд рауад тынг эмоционалон. Хъазуатон тохы фæстиуæгæн дыккаг оперативон ротæйы хъазджыты къухы бафтыд спортивон æнтыст æмæ иу очко фæразæй сты æртыккаг оперативон ротæйæ – 7:6 хыгъдæй.
Турниры уæлахиздзаутæ хорзæхджын æрцыдысты кубоктæй æмæ грамотæтæй.
ДЖИОТЫ Алыксандр
Comments are closed, but trackbacks and pingbacks are open.