АИШ-ы ног ядерон доктринæ

АИШ адæмæн фехъусын кодта ног «ядерон политикæйы цæстæнгас»-ы тыххæй, цыран Уæрæсейы схуыдтой «уникалон комплексон тæссагдзинад», Китай æмæ Цæгат Кореяйы æмрæнхъ. Докуенты ис сидтытæ америкæйаг ядерон потенциал сфидардæр кæнын тыххæй. Афтæ ма дзы нысан æрцыд, зæгъгæ, АИШ цæттæ сты ядерон цæф ныккæнынмæ исчи сæм хуымæтæджы хæцæнгарзимæ куы æрбабырса, уæд дæр. Доктринæйы ма нысан цæуы, зæгъгæ, «АИШ æмæ Уæрæсейæн ивгъуыды уыд стратегион диалогтæ ядерон хæцæнгæрзтæ уадзын æруромыны тыххæй». Фæлæ зæгъ, диалог урæд кæй æрцыд, уый тыххæй аххос æвæрд æрцыд Уæрæсейыл «Хъырымы йæ архайдтыты тыххæй».

АИШ-ы УФ-йы минæварады

комментаритæ

АИШ-ы УФ-йы минæвар Анатолий Антонов комментаритæ сарæзта америкæйаг ног ядерон доктринæйæн. Уый банысан кодта, зæгъгæ, Уæрæсейæ сарæзтой «тæрсæн», цæмæй хорзыл банымайой хæцæнгæрзтæ уадзын æмæ æфсæддон хæрдзтæ фæфылдæр кæнын. Йæ ныхæстæм гæсгæ, АИШ ногæй фæлвары æнæхъæн дунеимæ тыхы позицийæ дзурыныл, кæцы нæ хъæуы аразын, уæлдайдæр та – Уæрæсеимæ.

Ныхас кодтой телефоны

Уæрæсе æмæ Казахстаны Президенттæ Владимир Путин æмæ Нурсултан Назарбаев ныхас кодтой телефоны, кæцыйы рæстæджы бадзырдтой Астанайы форматы Сирийы уавæр æрбæстон кæныны фæдыл куыст адарддæр кæныны тыххæй. Нурсултан Назарбаев раарфæ кодта Путинæн ацы аз 30-æм январы Сочийы сирийаг национ диалогы конгресс æнтыстджынæй уагъд кæй æрцыд, уый фæдыл. Банысанчындæуыд, зæгъгæ, конгрессы рæстæджы цы уынаффæтæ ист æрцыдысты, уыдоны реализаци суыдзæн егъау хайбавæрд ИНО-йы эгидæйы бын Сирийы политикон бæстонкæнынад къухты бафтын кæнынæн. Афтæ ма Президенттæ æруынаффæ кодтой дыууæфарсон æмгуыстадыл, сæрмагондæй, нырыккон технологиты фадыджы.

Уырыссаг чиныджы бæрæгбон

Парижы уагъд æрцыдысты уырыссаг чиныджы бонтæ. Сорганизаци сæ кодта «Франция – Урал»-ы ассоциаци. Журналист, фыссæг, ассоциацийы президент Дмитрий де Кошко куыд радзырдта, уымæ гæсгæ ацы мадзал фадат ратдзæн французæгты уырыссаг чиныгимæ базонгæ æмæ дыууæ бæстæйы культурон тыгъдад æрбаввахс кæнынæн.

«Уæрæсе мæ зæрдæйы ис»

Æппæт Уæрæсейы  уагъд æрцыд акци «Уæрæсе мæ зæрдæйы ис», кæцы баст уыд Сталинграды тохыл 75 азы сæххæсты бонимæ. 129 уæрæсейаг горæтты уагъдцæуæг мадзæлтты хайад райстой 520 мин адæймагæй фылдæр. Патриотикон митингтæ-концерттæ Уæрæсейы столицæ æмæ æндæр горæтты уагъд цыдысты адæмы иудзинад равдисыны æмæ Стыр Фыдыбæстæйон хæсты хъайтарты нæмттæ ссарыны тыххæй. Акцийы инициатор уыд УФ-йы Æхсæнадон палатæ.

 Акци «Бузныг, Сталинград»

Акци «Бузныг, Сталинград» фыццаг хатт уагъд æрцыд АИШ-ы  цалдæр горæ-ты, – уый тыххæй фехъусын кодта АИШ-ы æнæкоммерцион организаци «Русский альянс в США»-йы æмкъухдариуæггæнæг Вера Скорцескул. Америкæйаг акци уагъд цыд 2-4 февралы фондз горæты –  Сан-Франциско, Лос-Анджелес, Сакраменто (Калифорнийы штат), Чикаго (Иллинойс) æмæ Орландойы (Флорида).

 

Немыцаг депутатты балц

Хъырыммæ æрцыд Германы регионалон депутатты делегаци. Делегацийы сконды сты Цæгат Рейна-Вестафали, Берлин æмæ Баден-Вюртембергы парламентты 10 депутаты. Ахæм серьезон делегаци Хъырымы Германæй уыд фыццаг хатт. Депутаттæ Хъырымы фæуыдзысты 9-æм февралмæ, бабæрæг кæндзысты егъаудæр горæтты, ныхас кæндзысты цæрджытæ æмæ хицауадимæ. Сæрмагондæй, уынаффæ кæндзысты санкцитæ сисыны фарстытыл, Хъырымы уæрæсейагыл банымайыны, афтæ ма республикæ æмæ Германы æхсæн ахастытæ æрбæстон кæныныл.

Æрæппæстой уæрæсейаг хæдтæхæджы

Сирийы æрæппæрстой уæрæсейаг штурмовик Су-25. Пилотæн йæ бон ссис фехъусын кæнын, зæгъгæ, скатапультаци кодта «Джабхат ан Нусра»-йы боевикты контролы бын районы. Террористтимæ тохы рæстæджы пилот фæмард. Развæлгъау информацимæ гæсгæ, хæдтæхæг фехстой хæсгæ зенитон-ракетон комплексæй.

«Марш фидæны тыххæй»

Киевы Саккашвилийы фарсхæцджытæ ауагътой «Марш фидæны тыххæй». Протестгæнджытæ æрæмбырд сты Тарас Шевченкойы номыл паркы, уырдыгæй колоннæ рацыд Европæйаг фæзуаты ‘рдæм. Сæ сæргъ лæууыд Саакашвили. Уыдон домынц Порошенкойы отставкæ. Протестон акцийы хайад райстой 70 мин адæймаджы.

Нæ сæ фæхуыдтой Олимпиадæмæ

13 уæрæсейаг спортсмен æмæ дыууæ тренерæн, кæцытæн сæ тæрхон аивта Дунеон Олимпион комитет, сæ бон не суыдзæн Пхенчханы Олимпиадæмæ ацæуын. Дунеон Олимпион комитеты куыд фехъусын кодтой, уымæ гæсгæ къамис банымадта, зæгъгæ, уыдонæй спортивон арбитражон тæрхондон нæ систа допингæй гуырысходзинад æмæ нæ бафидар кодта, ацы спортсментæ сыгъдæгыл нымад кæй цæуынц, уый.

Дунеон Олимпион комитеты хъæуы реформæтæ ауадзын

УФ-йы Федерацийы Советы спикер Валентина Матвиенко фехъусын кодта, зæгъгæ, дунеон Олимпион комитет æмæ дунеон антидопингон агентады хъæуы реформæтæ ауадзын. Матвиенкойы хъусынгæнинаг фехъусын кодтой, Дунеон Олимпион комитеты сæрдар Томас Бах Спортиваон арбитражон тæрхондоны реформæ саразынмæ куы æрсидт, уый фæстæ.

Уагъд цæуы фæдагуырд

АИШ-ы уæрæхмасштабонæй уагъд цæуы фæдагуырд дунеон спортивон организациты егъау коррупцийы факттæ сбæрæг кæныны фæдыл, уыцы нымæцы Дунеон Олимпион комитеты, Футболон ассоциациты дунеон федераци, афтæ ма АИШ-ы национ Олимпион комитеты дæр.

Информацион агентадты хъусынгæнинæгтæм гæсгæ

Comments are closed, but trackbacks and pingbacks are open.