Æрæджы Къуезерты Петр йæ райгуырæн хъæу Дменисы библиотекæйæн балæвар кодта, цы чингуытæ рауагъта мыхуыры, уыдонæй цалдæр. Æмæ та ацы бонты ахæм лæвæрттимæ фæуазæг Цхинвалы районы Сатихъары хъæууон библиотекæмæ. Петр йæ ныммыхуыргонд чингуытæ: «Хетæгкаты Къостайы премийы лауреаттæ», «Зæрдылдарæн бонты къалендар», «Дзырдбыдты æмбырдгонд», «Хочу все знать» æмæ æндæр чингуытæ радта библиотекæйы сæргълæууæг Æлборты Маринæмæ. Уый стыр бузныг загъта чингуыты авторæн æмæ банысан кодта, æхсызгонæй сыл кæй сæмбæлдзысты чиныгкæсджытæ. Афтæ ма загъта, зæгъгæ, библиотекæйы чиныгкæсджыты нымæц азæй азмæ кæны фылдæр. Маринæйы ныхæстæм гæсгæ абон библиотекæйы чиныгкæсджыты нымæц сырæзт 120 адæймагмæ.
Гæззаты Иван
Comments are closed, but trackbacks and pingbacks are open.