Цæттæ кодтой сæхи бæрæгбонон мадзæлттæм

Цхинвалы районы адӕмон ахуырады хайады (йӕ сӕргълӕууӕг Лолоты Барис) скъолаты ахуыргӕнджытӕ ӕмбӕлон хъусдард здахынц ӕвзонг фӕлтӕры патриотон хъомыладмӕ. Уымӕ гӕсгӕ ахуыргӕнинӕгтӕ сӕхи зӕрдиагӕй бацӕттӕ кӕнынц алыгъуызон мадзӕлттӕм, уый уӕлдай тынгдӕр фӕбӕрӕг вӕййы Фыдыбӕстӕ хъахъхъӕнӕджы ӕмӕ Уӕлахизы боны цытæн. Ныр дӕр та районы ӕппӕт скъолатӕ ӕмӕ Дменисы сывӕллӕтты рӕвдауӕндон бацӕттӕ кодтой алыгъуызон цымыдисон мадзӕлттӕ – сарӕзтой нывты стендтӕ, цыран ӕвдыстӕуы Ирыстоны хъӕбатыр фырттӕ ӕмӕ чызджыты сгуыхтдзинад Стыр Фыдыбӕстӕйон ӕмӕ Хуссар Ирыстоны хӕстон цауты. Ахуырады хайады сӕргълӕууӕг куыд радзырдта, уымӕ гӕсгӕ уал 23 февралы зӕрдылдарӕн бонмӕ ӕрӕджы Къостайыхъӕуы нывгӕнӕн студийы директор нӕ республикӕйы адӕмон нывгӕнӕг Гӕбӕраты Барис, сгуыхт нывгӕнӕг Хуыбиаты Роберты разамындӕй ӕвзонг нывгӕнджытӕ бацӕтӕ кодтой нывты равдыст. Райдайгӕ нывгӕнджыты куыстыты фылдӕр хай уыдысты хӕст ӕмӕ сабырадон темӕйыл. Равдыст уыд тынг цымыдисон, сӕ куыстытӕ фенынмӕ сын ӕрбацыд бирӕ аивадӕн табугӕнджытӕ ӕмӕ сын райгондӕй баззадысты сӕ къухты ӕрмдзӕфӕй. Фыдыбӕстӕ хъахъхъӕнӕджы боны цытӕн ӕппӕт скъолатӕм дӕр ӕрвыст ӕрцыдысты мадзӕлттӕм бацӕттӕ кӕнын ӕмӕ ауадзыны тыххӕй нывӕстытӕ ӕмӕ сӕ уымӕ гӕсгӕ алчи дӕр йӕхи бацӕттӕ кодта зӕрдиагӕй.  Амӕйразмӕ  та  районы  ахуыргӕнинӕгты ‘хсӕн ауагъдӕуыд турнир шашкӕтӕй.

Уымӕй дарддӕр ма бацӕттӕ кодтой хӕстон темӕтыл нывты равдыстытæ, рауагътой къулы газеттӕ. Фӕстӕдӕр уагъд цӕудзӕн республикӕйы фӕлгӕтты ӕфсӕддон-спортивон хъазт «Снежний барс» ӕмӕ дзы хайад райсдзӕн Дменисы скъолайы командӕ дӕр.

Хуыбиаты Никъала

Ацы æрмæджытæ дæр бакæс:

«Уӕлахиз – ӕнӕрӕдыд!» – «Æппӕтӕй уӕлдӕр – уӕлахиз!» «Хурзӕрин» – 95/ Куыд райдыдтон кусын газет«Советон Ирыстон»-ы («Хурзæрин»-ы) редакцийы Республикæ Хуссар Ирыстоны Парламенты Уынаффæ Адæмон сфæлдыстад «Алгъуызы» иу тæлмацы тыххæй, кæнæ куыд фæзынынц историон мифтæ æмæ мæнг халдихтæ