Мæскуыйы Экономикæйы уæлдæр скъолайы культурæйы центры уыд Советон Цæдисы хъайтар Мамсыраты Хаджи-Умары тыххæй документалон киноныв «Булкъон Ксанти»-йы равдыст. Уый тыххæй хъусын кæны Мæскуыйы ирон общинæ. Киноныв баст у Испаны æмбæстагон хæсты, советон-финаг æмæ Стыр Фыдыбæтæйон хæстыты хайадисæг инæлар-булкъон Мамсыраты Хаджи-Умары цардвæндагимæ. Киноныв бакæсыны фæстæ исæн къордæн бузныджы ныхæстæ загътой хъайтары хиуæттæ.
«Мах тынг уарзæм Ирыстоны æмæ æппæт нæ бæстæйы истори. Зынгæ адæймæты нæмттæ æвзонг фæлтæрæй бирæтæ кæй нæ зонынц, уый хъыгаг у. Æмæ мах аскъуыддзаг кодтам ацы жанры анимациимæ бакусын. Гæнæн ис, æмæ нæ фæлтæрддзинад фадат радта документалистикæйæ фæсивæдæн эксперимент саразын», – загъта кинонывы режиссер Цогойты Зауыр.
Уыйразмæ та документалон киноныв æвдысты æрцыд Дзæуджыхъæуы.
