Президент Гаглойты Алан фембæлд Акционерон æхсæнад «Российский экспортный центр»-ы генералон директор Вероника Никишинаимæ.
Фембæлды фæлгæтты Гаглойты Алан æмæ Вероника Никишина сæ къухтæ æрфыстой Рес-публикæ Хуссар Ирыстоны æмæ Акционерон æхсæнад «Российский экспортный центр»-ы æхсæн меморандумыл. Уый бæрæг кæны базарадон æмæ экономикон ахастытæ сфидар кæныны фадыджы «Российский экспортный центр»-ы æмæ республикæйы ‘хсæн сæйраг здæхтытыл формæтæ æмæ æмгуыстады уавæртæ.
Вероника Никишина банысан кодта, зæгъгæ, меморандумыл къухтæ æрфыссын фадат радтдзæн дыууæ бæстæйы æхсæн базарадон-экономикон æмгуыстад рауæрæх кæнынæн.
«Уæрæсейаг экспортон центр æххуыс кæны Хуссар Ирыстоны экспортæн. Зæгъæм, 2022 азы хатдзæгтæм гæсгæ Уæрæсейаг экспортон центры къордты компанитæ баххуыс кодтой республикæмæ уæрæсейаг экспортæн 20,6 милуан сомæй фылдæр. Меморандумыл къухтæ æрфыссын фадат радтдзæн дыууæ бæстæты базарадон-экономикон æмгуыстад рауæрæх кæнын, уыцы нымæцы фыдыбæстæйон товарты экспорт Хуссар Ирыстонмæ», – банысан кодта уый.
Президент Гаглойты Алан банысан кодта, зæгъгæ, Хуссар Ирыстон фæнд кæны Уæрæсейаг экспортон центримæ æмгуыстад рæзын кæнын æмæ бæстæты ‘хсæн базарадон æрзылд рауæрæх кæнын.
«2022 азы Хуссар Ирыстоны экспорт Уæрæсемæ, 2021 азимæ абаргæйæ, фæфылдæр 40 проценты. Уæрæсе махæн у нæ сæйраг партнер æмæ Уæрæсейаг экспортон центримæ мах фæнд кæнæм æмгуыстад рæзын кæнын, ног æмвæзадмæ йæ ракæнын, нæ бæстæты æхсæн базарадон зылд уæрæх кæнын», – банысан кодта Президент.
