Зындгонд фыссæг, литературæиртасæг, публицист Джусойты Нафи банысан кодта йæ райгуырды 92 азы бон. Тыбылты Леониды номæй уымæн лæвæрд æрцыд преми 100 мин сомы. Джусойты Нафимæ уазæгуаты уыдис Хуссар Ирыстоны Хицауады Сæрдары хæдивæг Козаты Димитр. Ныртæккæ Джусойты Нафи йе ‘нæниздзинады уавæрмæ гæсгæ ис Цæгат Ирыстоны.

«Нæ Президент Тыбылты Леониды номæй дын арфæ кæнын дæ райгуырæн боны цытæн. Мæ цæст дын уарзы бирæ азты цæрæнбон, æнæниздзинад дæуæн æмæ дæ хиуæттæн. Дæ куысты руаджы дæсгай фæлтæртæн фадат уыдзæн ирон адæмы æцæг культурæимæ зонгæ кæнынæн», – загъта Козайы фырт.

Зæрдыл лæууын кæнæм, Джусойты Нафи кæй у 400 зонадон куыстæй фылдæры автор, уыдоны нымæцы 12 монографийы автор. Уый бацæттæ кодта фыццаг зонадон чингуытæ, монографиты хуызы мыхуыры цыдысты чингуытæ ирон фысджытæ æмæ поэтты тыххæй. Джусойты Нафийы чингуытæм гæсгæ скъолаты ахуыр кæнынц ирон литературæ.

Нафи иттæг стыр бавæрд бахаста Хуссар Ирыстоны хæдбардзинад фидар кæнынмæ. Къорд хæттыты æвзæрст цыд республикæйы хицауиуæгады закъондæттынадон органмæ депутатæй. Хорзæхджын æрцыд Уацамонгæйы æмæ Кады ордентæй, афтæ ма у Хетæгкаты Къостайы номыл паддзахадон премийы лауреат, лæвæрд ын æрцыд зонады сгуыхт архайæджы ном.

Джусойты Нафи ирон æвзагмæ ратæлмац кодта уырыссаг литературæйы классикты уацмысты, уыдоны нымæцы æмдзæвгæтæй фыст Пушкины роман «Евгений Онегин».

Ацы æрмæджытæ дæр бакæс:

Йæ ном цæрдзæн йæ раттæг адæмимæ иумæ ЙÆ КАД УÆЛАРВОН СТЪАЛЫЙАУ ÆРТТИВДЗÆН!.. Биологийы æмæ медицинæйы ног зонындзинæдты иттæг хорз æмбырдгонд Нафийы сфæлдыстадон æмæ зонадон бæрзæндтæ «Тыбылты Леонид у республикæйы куырыхондзинад, куыстхъомдзинад æмæ стабилондзинад»

Comments are closed, but trackbacks and pingbacks are open.