Рӕстӕг размӕ куыд цӕуы,  афтӕ йемӕ хъуамӕ хӕсса æвæрццаг ивындзинӕдтӕ дӕр. Уый фӕстиуӕгӕн ӕхсӕнад кӕны фидардӕр, сомбоны цардаразджытӕ та монон ӕгъдауӕй рӕзынц. Ацы хъуыддаджы сӕ разы дзӕвгар хӕстӕ лӕууы адӕмон ахуырады къабазы кусджытӕн ӕмӕ уымӕ гӕсгӕ ӕппӕт амӕлттӕй дӕр архайынц райгуырӕн къуымӕн ӕнӕниз ӕмӕ алыварсон ӕгъдауӕй размæдзыд ӕвзонг фӕлтӕр схъомыл кӕныныл. Ацы ахсджиаг хӕстӕ скъуыддзаг кӕнын йӕ разы ӕвӕры Цхинвалы районы адӕмон ахуырады хайад дӕр ( йӕ сӕргълӕууӕг Лолоты Барис). Ахуырады хайад кусы, цӕмӕй модернизацийы системæйы процесс биноныг ӕрцӕуа скъолаты ӕмæ уый та фадат дӕтдзӕн ӕнӕмӕнгхъӕуӕг гъӕдджын иумиаг ахуырад райсынӕн. Уыцы нысанӕн арӕзт ӕрцыдысты скъолайон зылдтӕ ӕмӕ йе сконды сты базӕйон скъолатӕ сӕ филиалтимӕ. Цӕмӕй ацы куыст рӕвдзӕй цӕуа, уа йын зӕрдӕрухсгӕнӕн фӕстиуджытӕ, уый тыххӕй скъолаты ис педагогон советтӕ ӕмӕ сӕ ӕдзухон архайд уыдзæн кадрты цӕттӕдзинад фæхуыздæр кӕнын, ахуыр-хъомыладон фарстатӕм лӕмбынӕгдӕр хъус дарын ӕмӕ ӕндӕртӕ.

Зары хъӕуы астӕуккаг скъоламӕ хауынц Рустау ӕмӕ Дампъалеты астӕуккаг скъолатӕ-филиалтӕ ӕмӕ сын ӕрӕджы уыд радон ӕхсӕнскъолайон педсовет. Уымӕн разамынд лӕвӕрдта ӕмӕ йӕ дӕлбаруӕвӕг скъолаты тыххӕй ӕрдзырдта Зары скъолайы директор Пухаты Зӕлинӕ. Рабадты ӕркастысты ӕмӕ ӕруынаффӕ кодтой цалдӕр фарстыл, уыцы нымӕцы ахуыры дыккаг цыппӕрӕм хайы йӕ дӕлбаруӕвӕг скъолаты ахуыр-хъомыладон куысты фӕстиуджытӕ, скъолаты мидӕг предметон олимпиадӕтӕм бацӕттӕ кӕнын ӕмӕ ауадзын, стӕй ма методикон баиугӕндты куысты фӕдыл

Ахӕм рабадтытӕ уагъд цӕудзысты ӕндӕр скъолатæн дӕр.

  Хуыбиаты Никъала

Comments are closed, but trackbacks and pingbacks are open.