Зынаргъ ӕмбӕстӕгтӕ!
Арфӕ уын кӕнын Республикӕ Хуссар Ирыстоны Паддзахадон тырысайы боны цытæн!
Урс-сырх-бур алайнаг триколор сарæзтой Хуссар Ирыстоны адӕмы бартӕ хъахъхъӕныны фæдыл змæлды архайджытæ. Тырыса ӕрбангом кодта наци, йӕ фӕдыл ӕй акодта, цыбыр рӕстӕджы ссис Аланийы æвдисæг æмæ иугæнæг символ.
Национ тырысайы ӕртӕ хуызы ӕвдисынц рӕстдзинад ӕмӕ удварны сыгъдӕгдзинад, хӕстон æхсардзинад ӕмӕ райгуырӕн бӕстӕ хъахъхъӕнынмӕ цӕттӕдзинад, фӕллой æмæ арæзтады энерги нæ рæсугъд бæстæйы фæрныгадæн. Уыдон сты, нӕ ивгъуыд, абон ӕмӕ фидӕн цы бындурыл ӕнцайынц, уыдон.
Тырысайы хуызтӕ – урс, сырх ӕмӕ бур, национ традицийы арф уидӕгтӕм чи хӕццӕ кӕны ӕмӕ бӕрзонд мидисӕй ӕххӕст чи у, адӕмы культурæ дарддӕр дӕр фӕлтӕрӕй-фӕлтӕрмӕ дæтгæйæ, ног мидис ссардтой Аланийы нырыккон тырысайы, кæцы у нæ бæстæйы суверенитет æмæ паддзахаддзинады бындур.
Национ триколор у нӕ адӕмы идеалты, бӕллицты ӕмӕ тырнындзинӕдты, Аланийы сабыр арвы бын царды, дидинæфтыды ӕмӕ фæрныгады фӕлгонц. Ахӕмӕй йӕ уынӕм ӕмӕ нӕ дарддӕр кӕндзӕн нӕ Фыдыбӕстӕйы фæрныгадмæ!
Уырны мӕ, Паддзахадон тырыса алыхаттдæр кæй уыдзӕн нӕ цӕрджыты ӕппӕт фӕлтӕртӕн уаз символ, бӕстӕйӕ сӕрыстырдзинады ӕнкъарӕн ӕвзӕрын кӕнгӕйӕ, иудзинад ӕмӕ сыгъдӕг хъуыдытӕм сидгӕйӕ, хӕстон сгуыхтдзинӕдтӕм, фӕллойадон ӕнтыстдзинӕдтӕм, спорты, культурӕ ӕмӕ аивады къабазы, зонады ӕмӕ экономикӕйы ног бӕрзӕндтӕм разӕнгард кӕнгӕйӕ.
Зынаргъ хæлæрттæ!
Уадз, æмæ Аланийыл ӕнустæм фӕйлауӕд нӕ рӕсугъд тырыса!
Уадз ӕмӕ нӕ адӕмы кӕнæд ног уӕлахизтӕ ӕмӕ ӕнтыстытӕм!
Паддзахадон тырысайы бӕрӕгбоны хорзӕх уӕ уӕд, зынаргъ æмбæстæгтæ!
Республикæ Хуссар Ирыстоны Президент ГАГЛОЙТЫ Алан
***
Зынаргъ ӕмбӕстӕгтӕ!
Арфӕ уын кӕнын нысаниуӕгджын бон – Республикӕ Хуссар Ирыстоны Паддзахадон тырысайы боны цытæн!
Ацы диссаджы бӕрӕгбон нӕ республикӕйы нысан кӕнын райдыдтой ӕрӕджы, фӕлӕ йæ ныридæгæн нæ адæм бауарзтой, фӕзындысты бӕрӕгбоны рӕсугъд ритуалтӕ, йӕ традицитӕ.
Нӕ триколор ныр дӕсгай азты нӕ сӕрмӕ бӕрзонд фæйлауы уӕззау, уӕлахизтӕ ӕмӕ ӕнтыстытӕ бӕрӕг кӕныны бонты. Нӕ фыдӕлты ӕндидзгӕ рагон тырыса, кæцы у уды сыгъдӕгдзинад ӕмӕ куырыхондзинад, хӕстон ӕхсардзинад, бӕркад ӕмӕ фарн ӕвдисӕг. Уый у нӕ сӕрыстырдзинад. Нӕ адӕм рацыдысты даргъ ӕмӕ уæззау фӕндагыл, истори хъӕздыг у ирд цаутӕй. Нӕ адӕмы минӕвӕрттӕ, райгуы-рӕн бӕстӕйыл уӕлдай сӕрыстырдзинады ӕнкъарæнтимæ, нӕ тырыса сисынц дунейы кæмфæнды дæр, стыр адӕмы хатт кæй стæм, уый ӕвдисгӕйӕ.
Паддзахадон тырысайы бон ма у ахæм бон, кæцы фадат дæтты, тырысайӕн ард чи бахордта, ӕнӕмсӕр тохы чи цыд, уыдоны нæмттæ æрымысын, ӕмӕ цавӕр аргъ фыст ӕрцыд, цæмæй мах кæсæм, сабыр арвы бын цы æртæхуызон тырыса фæйлауы, уымæ.
Бӕрӕгбоны хорзӕх уӕ уӕд! Сабырдзинад, хорз ӕмӕ бӕркад нӕ Райгуырӕн бӕстӕйӕн!
Республикæ Хуссар Ирыстоны Парламенты Сæрдар МÆРГЪИТЫ Алан
