Паддзахадон унитарон куыстуат «Арæзтадон æрмæджыты завод» йæ рауадзгæ продукцийæ ифтонг кæны Инвестицион программæйы фæлгæтты нæ республикæйы арæзтцæуæг объектты, афтæ ма хицæн цæрджыты дæр
Завод сырæзт 2017 азы æмæ уæдæй нырмæ уæрæх кæны йæ рауадзгæ продукцийы ассортимент. Раздæр уыдон ласын хъуыд Цæгат Ирыстонæй. Зæгъæм, лыстæг хуыр æмæ змис куы бахъуыдаид, уæд дæр сæ хъуыд уырдыгæй æрласын æмæ баст уыдис бирæ хæрдзтимæ. Фæлæ ныр нæхимæ цы дыууæ дурцъæлгæнæн-æвзарæн комплексы ис, уыдоны руаджы аразынц фундаменты блоктæ, бетонон цæгтæ, донуадзæнтæ, æфсæнбетонон цæджындзтæ, тротуарон плиткæ æмæ æндæр ахæмтæ. Æрæджы та завод бавнæлдта ног продукци – рабийы хызтæ уадзынмæ. «Завод рауагъта рабийы хызы фæлварæн парти. Продукци у бирæфункционалон, бирæ чи лæууы, ахæм фидар арæзтадон æрмæгæй. Хызы иумæйаг дæргъ у 100 метры. Кæд æмæ йæ æлхæной, уæд дарддæр дæр уадздзысты», – хъусын кæны Арæзтады министрады пресс-службæ.
