ЛЕВ КУЗНЕЦОВЫ КУСÆГОН БАЛЦ ХУССАР ИРЫСТОНМÆ
Хуссар Ирыстонмæ дыууæбонон кусæгон балцы æрцыд Цæгат Кавказы хъуыддæгты фæдыл Уæрæсейы Федерацийы министр Лев Кузнецов. Йæ балцы нысан у РХИ-йы социалон-экономикон рæзтæн ахъазгæнæг 2015-2016 азтæн Инвестицион программæ куыд æххæст цæуы, уыимæ базонгæ уæвын.
Федералон министр РХИ-йы Хицауады Сæрдар Хъуылымбегты Доментиимæ сарæзта инспекцион азылд арæзтцæуæг объекттыл. Семæ ма уыдысты Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард, Фæндагон арæзтад æмæ автомобилон фæндæгты эксплуатацийы фæдыл комитеты сæрдар Гуыззыдтаты Эдуард, иукъорд министрадтæ æмæ водомствоты разамонджытæ.
Фыццаджыдæр уал уæрæсейаг чиновник бабæрæг кодта, бæрзондхæххон Синагур-Карзманы арæнгæрон сосæвæндаг куыд арæзт цæуы æмæ Дзауы районы Гуфта-Къуайсайы фæндаджы 13 километры дæргъæн фадыг куыд реконструкцигонд цæуы, уый. Дарддæр инспекцигæнджытæ сæ фæндаг акодтой горæт Цхинвалмæ.
Лев Кузнецовы кусæгон балцы тыххæй лæмбынæгдæр кæсут нæ газеты радон номыры.
Comments are closed, but trackbacks and pingbacks are open.