Республикæ Хуссар Ирыстоны Хицауады Сæрдар Пухаты Эрик йæхимæ райста Республикæйы иуæй-иу министрадтæ æмæ ведомствоты къухдариуæггæнджыты. Уыдон хыгъд радтой æрдæг азæн сæ бакæнгæ куысты тыххæй, афтæ ма æруынаффæ кодтой проблемон фарстатыл.
Ахуырад æмæ зонады министрад
Фыццаг уал фембæлд Ахуырад æмæ зонады министр Гасситы Наталиимæ.
«Ахуырад у паддзахадон политикæйы иууыл ахсджиагдæр фæдыздæхтытæй сæ иу æмæ мах хъуамæ алцæмæдæр нæ хъус лæмбынæг дарæм. Нæ разылæууæг хæстæ æххæст кæныныл контроль кæнын нын фадат дæтты уыдоны уæлдай эффективондæрæй скъуыддзаг кæнынæн, нæ куысты цухдзинæдтæ рараст кæнынæн», – банысан кодта Пухаты Эрик.
Ныхасы рæстæджы дзырд цыд ахуырадон ведомствойы архайды сæйраг аспекттыл.
Гасситы Натали йæ доклады куыд банысан кодта, уымæ гæсгæ министрады куысты эффективондзинады сæйрагдæр бæрæггæ-нæнтæ сты скъоладзауты ахуыры æмвæзад æмæ зонындзинæдты гъæд.
Уый ма банысан кодта, зæгъгæ, ахуыры азы дæргъы иумæйаг ахуырады уагдæтты уагъд цыдысты мастер-къластæ, гом уроктæ, цыран ахуыргæнджытæ равдыстой ног ахуырадон технологиты зонындзинæдты бæрзонд æмвæзад.
Хорз фæстиуджытæ æвдисынц скъоладзаутæ республикон, федералон æмæ дунеон æмвæзады конкурсты рæстæджы.
Гасситы Наталийы ныхæстæм гæсгæ, ахуырадон уагдæтты æнтыстытыл контроль кæныны нысанæн регулярон æгъда-уæй уагъд цæуы зонындзинæдты мониторинг.
Педагогон кадрты квалификаци фæбæрзонддæр кæныны фарстыл дзургæйæ, уый банысан кодта, зæгъгæ, ахуырады министрады цур квалификаци бæрзонддæр кæныны институт активон куыст кæны ног паддзахадон стандарттæ реализаци кæныны фæдыл методикон æмæ консультативон æххуыс бакæныны тыххæй.
Хыгъдон рæстæджы уæлдай хъусдард здæхт æрцыд ирон æвзаг, литературæ, истори æмæ географийы чингуытæ сног кæныны фарстмæ.
Пухаты Эрик бацымыдис кодта, УФ-йы уæлдæр ахуыргæнæндæтты цы хуссарирыстойнаг студенттæ ахуыр кæнынц, уыдоны ахуырады æмвæзадмæ. Гасситы Натали загъта, зæгъгæ, уæлдæр ахуыргæнæндæтты къухдариуæггæнджытæм æрвыст æрцыдысты фыстæджытæ, цæмæй РХИ-йы Ахуырады министрадæн хъусын кæной ахуырдзауты академион æнтыстыты тыххæй.
Хъалонты æмæ фиддонты фæдыл комитет
Пухаты Эрик ма фембæлд Хъалонты æмæ фиддонты фæдыл комитеты сæрдар Кадзты Владимиримæ. Комитеты сæргълæууæджы ныхæстæм гæсгæ, июны кæронмæ паддзахадон бюджетмæ бацыд 462 302, 5 мин сомы, кæцы у планон бæрæггæнæнæн йæ 91, 5 проценты.
Комитеты сæрдар куыд банысан кодта, афтæмæй аивгъуыйгæ азы ахæм æмгъуыдмæ абаргæйæ фæбæрзонддæр сты хъалонты æфтиæгтæ ахæм куыстуæттæй, кæцытæ сæ архайд æххæст кæнынц экологон æмæ транспортон фадгуыты, фæбæрзонддæр сты административон хъалонтæ æмæ фиддонты бæрæггæнæнтæ.
Кадзты Владимир банысан кодта, зæгъгæ, хыгъдон периоды рæстæджы хъалонтæ бафидыны тыххæй хъусынгæнинæгтæ райстой 581 адæймаджы, афтæ ма уагъд æрцыдысты 69 хъалонон басгæрсты, кæцыты рæстæджы бæрæг æрцыдысты алыгъуызон хъалонты бархалынадтæ.
«Хъæуы мадзæлттæ райсын паддзахадон бюджет максималонæй баххæст кæныны тыххæй æппæт потенциалон гуырæнтæ фæактивондæр кæныны тыххæй», – банысан кодта Пухаты Эрик.
Паддзахадон таможнæйон комитет
Паддзахадон таможнæйон комитеты сæрдар Цхуырбаты Мурат куыд банысан кодта, афтæмæй иу азы планмæ гæсгæ, ома 195 милуан сомæй абоны онг æрбацыд 154 милуан сомы фактон æгъдауæй Финансты министрадмæ ахыгъд æрцыд 120 милуан сомы, æмæ уый у хорз фæстиуæг.
Уымæй дарддæр ма, Паддзахадон таможнæйон комитет активонæй æмгуыст кæны УФ-йы Федералон таможнæйон службæимæ, республикæйæн актуалон фарстытыл кусгæйæ, кæцытæ баст сты хуссарирыстойнаг-уæрæсейаг арæныл товартæ ласынимæ æмæ афтæ дарддæр.
«Æппæт фарстытæ скъуыддзаг цæуынц кусæгон режимы, фыдыбæстæйон товартæ ласыны тыххæй проблемæтæ нæй. Таможнæйон службæ цæттæ у æппæт цымыдисгæнæг фарстытæн консультативон æххуыс бакæнынмæ», – банысан кодта Цхуырбаты Мурат.
Фембæлды рæстæджы Пухаты Эрик Паддзахадон таможнæйон комитеты къухдариуæггæнæджы хъусдард аздæхта акцизон æмбырдты маркæты фæсауæрцтæ баххæст кæныны æнæмæнгхъæуындзинадмæ.
Культурæйы министрад
Культурæйы министр Зассеты Жаннæ йæ доклады равдыста, паддзахадон æмвæзадыл цы культурон-улæфæн мадзæлттæ уагъд æрцыдысты, уыдон. Хыгъдон рæстæджы организаци æрцыдысты 28 ахæм мадзалы.
Уæлдай хъусдард здæхт цыд библиотекон системæйы уæвæг проблемæтæм. Йæ ныхæстæм гæсгæ, ныртæккæ уагъд цæуы горæты æмæ хъæууон библиотекæты мониторинг, хъæууон библиотекæты фонд хъæуы баххæст кæнын.
Афтæ ма куыст цæуы электронон каталог саразыныл. Хицауады Сæрдар Зассеты Жаннæйæн бахæс кодта, цæмæй хъæууон библиотекæты уавæры фæдыл æрбавдисой хыгъд, сæрмагондæй, ацы уагдæтты кусджыты куысты уавæрты фæдыл, цæмæй уæлдай лæмбынæгдæр ацы фарст бакуыст æрцæуа районты сæргълæуджытимæ.
Йæ доклады министр уæлдай хъусдард аздæхта историон-культурон бынты фарстытæм. Йæ ныхæстæм гæсгæ, абоны бон бæрæг æрцыд 2500 цыртдзæвæнæй фылдæр, кæцытæ хъуамæ хаст æрцæуой хицæн реестрмæ.
Зассеты Жаннæ ма банысан кодта, зæгъгæ, æппæт профилон уагдæттæн бахæсчындæуыд, цæмæй уæлдай хъусдард здахой 1920 азы геноциды темæмæ, кæцыйæн фидæны нысан кæндзыстæм йæ сæдæ азы, организаци кæнын хъæуы тематикон мадзæлттæ, æрæмбырд кæнын хъæуы информаци, нывтæ, уыцы цаутæн æвдисæн чи уыд, уыдоны мысинæгтæ.
Афтæ ма министр æрдзырдта киноконцертон зал «Чермен»-ы проблемон фарстытыл, цыран æнæмæнгхъæуæг у ифтонгад сног кæнын æмæ радзырдта ног сезоны Паддзахадон драмон театры спектаклты тыххæй.
РХИ-йы Хицауады пресс-службæ
Comments are closed, but trackbacks and pingbacks are open.