Щепкины номыл Белгороды Паддзахадон академион драмон театры артисттæ Цæгат Ирыстонмæ гастролты æрцæудзысты 10-13 октябры. Уый тыххæй хъусын кæны ТАСС. «Уырыссаг театры уазæгуарзон сценæ хорз зонгæ у белгородаг труппæимæ. Дыууæ театры кæрæдзимæ гастролты арæх цыдысты. Райгуырæн горæты тыхст уавæры дæр сæ куыст нæ ныууагъта бæрзонд аивады артдзæст. Белгороды театр дзæуджыхъæуккаг сценæмæкæсгæн равзæрста ирд æмæ цардæфсæст спектаклтæ», – фехъусын кодта Ев-гений Вахтанговы номыл Уырыссаг академион театры аивадон разамонæг æмæ директор Владимир Уваров.
Гастролтæ байгом уыдзысты Мэйо æмæ Эннекены пьесæмæ гæсгæ спектакль «Моя жена – лгунья»-йæ. Афтæ ма сценæмæкæсджытæ бакæсдзысты Александр Островскийы комеди «Женитьба Бальзаминова», Веберы французаг комеди «Ужин дураков» æмæ Шукшины радзырдтæм гæсгæ спектакль «Абсолютно счастливые люди»-мæ.
«Ацы театр монон æгъдауæй махмæ тынг æввахс у. Нæ актертæ хæларæй цæрынц, алыхатт дæр сын ис бастдзинад, уæлдайдæр та ныртæккæ, Белгороды уавæр æндыгъд куы у, уæд. Мах тынг тыхсæм театр ахæм вазыгджын уавæрты кæй кусы, æмæ нын уымæ гæсгæ æхсызгон у нæ сценæйыл ралæууыны фадат сын кæй уыдзæн, уый» – загъта Владимир Уваров.
2024-09-17
