Президент Гаглойты Алан йæхимæ райста РХИ-йы Национ бангы сæрдар Бекъойты Сосланы.
Бекъойты Сослан паддзахады сæргълæууæгæн фехъусын кодта иумæйагæй республикæйы бангон секторы æмæ, сæйраджыдæр, Национ бангы хъуыддæгты уавæры тыххæй.
«Абоны бон Хуссар Ирыстонæн æддагэкономикон конъюктурæ у мæгуырау, УФ-йы Централон бангы бæрзондпроцентон ставæкæйы тыххæй. Уый фæдыл уæрæсейаг коммерцион бангтæ æвдисынц бæрзонд ставкæтæ депозитты фæдыл. Йæ рады, уый расайдзæн республикæйы бангон секторы æхцайы фæрæзтæ фæкъаддæр кæнын. Ныртæккæ мах исæм æнæмæнгхъæуæг мадзæлттæ уыцы хæстæ аскъуыддзаг кæнынæн, куыд Национ бангы æмвæзадыл, афтæ Акционерон Æфснайæн банджы æмвæзадыл дæр», – загъта Бекъойты Сослан.
Уымæй дарддæр ма æруынаффæ кодтой æмбæстæгтæн кредиттæ радтын æмæ йæ фæхуыздæр кæныны нысæнттыл.
«Абоны бонмæ кредит райсын кæй фæнды, уыдоны нымæц бирæ у. Мах исæм мадзæлттæ, цæмæй ацы фарст аскъуыддзаг кæнæм. Куыст цæудзæн фиддонтæ фидыны дисциплинæ æмæ системæ фæхуыздæр кæныныл, уымæн æмæ ууыл баст у лæвæрд кредитты нымæц.”
Фембæлды рæстæджы ма æрныхас кодтой Национ бангы хъуыддæгты иумæйаг уавæрыл. Гаглойты Алан хæс æрæвæрдта æввахс рæстæджы конкретон фæндæттæ бавдисын ведомствойы куыст фæхузыдæр кæныны фæдыл.
