Хæххон зонæйы сæрды тæмæны баулæфын у стыр æхсызгон хъуыддаг. Уый уæлдай ахсджиаг æмæ ахъаз у рæзгæ фæсивæдæн, цæмæй схъомыл уой хорз, активон æмбæстæгтæй, кæцытæ бахъахъхъæндзысты æмæ райтынг кæндзысты сæ радтæг адæмы традицитæ æмæ культурæ.
Куыд ивгъуыд аз, афтæ та ныр дæр нæ республикæйы Фæсивæдон политикæ æмæ спорты комитеты хъæппæрисæй ацы аз дæр рæзгæ фæлтæрæн сорганизаци кодтой сæрдыгон этнолагерь æмæ уым баулæфдзысты дыууæ фæлтæрæй. Иу фæлтæры баулæфдзæн 60 адæймаджы. Этнолагерь уыдзæнис Къуыдаргомы рæсугъддæр хъæутæй сæ иу – Начърепайы. Уырдæм фæсивæд горæтæй абалц кæндзысты 1-æм августы.
Этнолагерь йæ дыуæрттæ байгом кæндзæн нæ ахуырдзау фæсивæдæй 14 азæй 17 азы онг кæуыл цæуы, ахæм кары сывæллæттæн. Уыдон сатæг уæлдæфы баулæфдзысты къуырийы бæрц. Этнолагеры нысан у фæсивæдæн се ‘ргом аздахын нæ фыдæлты историон æмæ культурон бынтæ базоныны сæраппонд. Фæсивæдæн сæрмагондæй бацæттæ кодтой ахуырадон, спортивон-туристон, культурон-хиирхæфсæн программæ æмæ уыдон руаджы фæсивæд практикон æгъдауæй хуыздæр базонгæ уыдзысты национ къæбицы хæринæгтæ куыд æрцæттæ кæнын хъæуы, афтæ ма нæ фыдæлтæ цавæр традицитæ æмæ æгъдæуттыл хæст сты, национ хореографи æмæ ирон хъазты историимæ. Æппæт адæттыл цайдагъ кæндзысты фæсивæды сатæг уæлдæфы.
Нæ уацх.
Архивæй ист Къамтæ
