27-æм февралы хыгъдон æмбырд уыд Хуссар Ирыстоны арæнхъахъхъæнæг службæйæн. Хуынд æм æрцыдысты районты администрациты сæргълæуджытæ дæр.
Арæнхъахъхъæнæг службæйы къухдариуæггæнæг Валери Зазуля 2017 азы бакæнгæ куысты фæстиуджытыл дзургæйæ банысан кодта, зæгъгæ, Хуссар Ирыстоны цæрджытæн арæнгæрон зонæйы фæрогдæргонд уагæвæрд кæд бирæ нæ, уæддæр фæкъаддæр кодта фæтк халыны цауты нымæц».
Куыд зонæм, афтæмæй ивгъуыд аз январы мæйы Хуссар Ирыстоны хицауады уынаффæмæ гæсгæ ивд æрцыд, арæнгæрон зонæйы арæнхъахъхъæнæг службæ цы бæлвырдгæнæн гæххæтт фæдомынц, уый. Ног уагæвæрд цалынмæ нæ уыди, уæды онг арæнгæрон зонæмæ бацæуыны тыххæй республикæйы æмбæстæгты хъуыд райсын уадзæн официалон гæххæтт Арæнгæрон службæйæ. Уый та домдта бæрæг рæстæг æмæ бæлвырд процедурæтæ. Канд арæнгæрон хъæумæ чи цыд, уыдон нæ, фæлæ ма хъæуты цæрджытæ дæр æвдыстой ацы фæткы тыххæй се ‘нæразыдзинад. Ныр арæнгæрон хъæумæ сæ бон у цæуын республикæйы æмбæстаджы паспорт, науæд та кусæгон æвдисæндарæй.
Уый фехъусын кодта, зæгъгæ, иууыл проблемондæрыл нымад цæуы Арцеуы фæдыздæхт. Ам, Арæнхъахъхъæнæг службæйы къухдариуæггæнæджы ныхæстæм гæсгæ ивгъуыд аз арæнгæрон зонæйы фæтк фехæлдтой 82 адæймаджы. Уый та у дыууæ хатты фылдæр 2016 азимæ абаргæйæ.
Проблемон ма у Хуссар Ирыстоны Знауыры районы Балтайы хъæу дæр. «Азæй-азмæ фылдæр кæнынц арæны режим халыны цаутæ. Арæнхалджытæ, сæйраджыдæр сты Хуссар Ирыстоны æмбæстæгтæ. Нымæцтæй сæ куы нымайæм, уæд 2016 азы уыдон уыдысты 52, 2017 азы та – 100-йæ фылдæр. Иумиагæй сисгæйæ нымæцæй афтæ стыр дæр не сты, фæлæ Гуырдзыстоны æмбæстæгты нымæц бирæ хатт къаддæр у Хуссар Ирыстоны арæнхалджытæй», – загъта Валери Зазуля.
Уымæй дарддæр ма, Арæнгæрон службæйы хистæр загъта, 2017 азы Хуссар Ирыстонмæ кæй æрбацыдысты 4 минæй фылдæр фæсарæйнаг æмбæстаджы. Уыцы нымæцмæ хауынц Цæгат Ирыстоны, Уæрæсейы, Абхаз æмæ Никарагуайы æмбæстæгтæ.
Хуссар Ирыстоны Паддзахадон æдасдзинады комитеты Арæнхъахъхъæнæг службæйы разамонæг 2017 азы бакæнгæ куыстæн фæстиуджытæ аразыны рæстæджы æрдзырдта, Хуссар Ирыстоны фарс дарддæр кæй кусдзæн паддзахадон арæныл контрол кæныны куыст тыхджындæр кæныныл. Уымæй дарддæр ма кусдзæнис ин-женерон хæрзарæзтадыл дæр.
«Марты мæйы Арæнхъахъхъæнæг службæйы кусджытæм ис ноджы фылдæр инженерон хызæгтæ æмæ нысæнттæ сæвæрыны фæнд арæнгæрон зонæты. Иуварсонæй фæуыдзыстæм паддзахадон арæны сфыст дæр. Ныфс нæ ис апрелы мæйы районтæ æмæ хъæууон администрацитимæ арæнгæрон управлени активонæй кæй райдайдзæнис кусын, цæмæй арæнгæрон хахх 50 метры бæрц хаст æрцæуа Ирыстоны арæнæй æдтæмæ», – загъта Зазуля.
Арæнхъахъхъæнæг службæйы къухдариуæггæнæг ма загъта, фарст кæй у вазыгджын, ис ахæм бынæттæ, æмæ дзы ницы зындзинад ис, уæлдайдæр та хæххон, хъæд бынæтты, фæлæ ис ахæм фадгуытæ, цыран хъæдтæ æмæ зæххы фадгуытæ сты арæнмæ хæстæг.
«Фистæгæй цæудзыстæм километрæй километрмæ, цæмæй исты хатдзæгмæ æрцæ-уæм. Æвæццæгæн, хъæутæ бахъæудзæн иуварс кæнын уыцы хаххæй», – дзырдта Арæн-хъахъхъæнæг службæйы къухдариуæггæнæг.
Куыд ма загъта, афтæмæй фарон аз фыццаг хатт арæнгæрон бру арæзт кæй æрцыд иу километры бæрц. Ахæм æнгæс инженерон арæзтад, хъуамæ адарддæр уа 2018 азы дæр.
«Паддзахадон арæны демаркаци æмæ делимитацийы фæдыл къамис цы фæрæзтæ рахицæн кодта, уыдон сфаг сты арæны 1250 метры хæрзарæзтадæн. Ацы аз дæр та алцыдæр баст уыдзæн æхцайы фæрæзтимæ, абоны бон уал махмæ ис 15 милуан сомы бæрц. Уыдон фаг сты иууыл фылдæрæй иу километрæн. Фарон ма æвæрд æрцыд 63 информацион амонæны. Уым нын дзæвгар æххуыс бакодтой районты минæвæрттæ. Уыдон æххуысæй рахицæнгонд æрцыд 11 фадыджы», – дзырдта Зазуля.
Уый ма радзырдта, ивгъуыд 2017 аз кæй уыд «активон» арæнхъахъхъæнджытæн. Хъæуты цæрджытимæ сæ фембæлдтытæ уыдысты нысан-мæздæхт. Æртын фембæлды бæрц арæзт æрцыд цæрджытимæ арæнты зонæйыл. Йæ ныхæстæм гæсгæ уыд æнæрадон фембæлдтытæ дæр, уымæн æмæ цæрджытæм уыд бæлвырд проблемон фарстытæ арæны фæдыл.
Уазæгты Марфа
Comments are closed, but trackbacks and pingbacks are open.