«Высокогорная Кельская пивоварня»-йы продукци горæт Сочийы XXXII Æхсæнадæ-мон форум «ПИВО-2023»-йы райста уæлдæр хорзæх.
Уæрæсейы бæгæныйы индустрийы егъаудæр специализацигонд равдыстон мадзалы Хуссар Ирыстоны хуымæллæгæй конд продукци æвдыст æрцыд фыццаг хатт.
«Продукци банымадтой æвæрццагыл. Бæгæныйы хорз гъæды фæдыл сыгъзæрин майдан райста сорт «IRYSTON LAGER LIGHT». Равдыст уагъд æрцыд хорз æмвæзадыл, мах райгонд стæм. Нæ фарсмæ æрбалæууыдысты не ‘мзæх-хонтæ – Сочийы ирон диаспорæйы минæвæрттæ», – загъта Гогинов.
Базарадон минæвары ныхæстæм гæсгæ, форум уыд продуктивон æмæ йæ фæзуаты уагъд æрцыд бирæ баныхæстæ.
«Æмгуыстадыл бадзырдтам Екатеринбургы, Омскы компанитæ æмæ федералон хызæг «Перекресток»-имæ», – загъта уый.
Уый ма банысан кодта, зæгъгæ, «Высокогорная Кельская пивоварня» хорзæхджын æрцыд æнтыстджын куыст, бæгæныйы продукцийы рæзтмæ профессионалон хайбавæрд æмæ XXXII Æхсæнадæмон форум «ПИВО-2023»-йы хайад райсыны фæдыл дипломæй.
