РХИ-йы Президент Тыбылты Леонид бацыд рынчындонмæ æмæ бабæрæг кодта, фæндагон-транспортон цауы фæстиуæгæн чи фæцæфтæ сты, уыцы уæрæсейаг æфсæддон службæгæнджыты.
Тыбылты Леонид æмæ республикæмæ æрцæуæг 58-æм армийы командæгæнæг инæлар-майор Андрей Гурулев ныхас кодтой дохтыртимæ æмæ бынаты информаци райстой РХИ-йы Æнæниздзинад хъахъ-хъæныны министр Григори Кулиджановæй фæцæфуæвджыты уавæры тыххæй.
«Райсомæй райдайгæйæ мæнæн хъусын кодтой, нæ рынчындоны медицинон кусджытæ æппæт дæр кæй аразынц, цæмæй фæцæфуæвджытæн бачындæуа æнæмæнгхъæуæг æххуыс. Ныфс мæ ис, алчидæр сæ тагъд кæй сæнæниз уыдзæн», – загъта Президент.
Республикæйы Æнæниздзинад хъахъхъæныны министр Григори Кулиджанов Президентæн радзырдта, зæгъгæ, «чи фæцæфтæ сты, уыдонæй цыппар сты реанимацион хайады сæры уæззау цæфтимæ, уыдонæн цæуы æнæмæнгхъæуæг медицинон æххуыс».
«Иннæ фæцæфуæвджытæ сты алыгъуызон цæфтæ æмæ сæ уавæр у, куыд стабилон, афтæ», – йæ ныхасмæ бафтыдта министр.
Тыбылты Леонид йемæ рынчындоны уæвæг РХИ-йы Æдасдзинады советы секретарь Плиты Анатолийæн бахæс кодта, цæмæй дарддæр куыст цæуа уæрæсейаг коллегæтæн æнæмæнгхъæуæг æххуыс бакæныны фæдыл.
Ацы æрмæджытæ дæр бакæс:
Тыбылты Леониды кусæгон балц Къуыдаргоммæ
«Тыбылты Леонид у республикæйы куырыхондзинад, куыстхъомдзинад æмæ стабилондзинад»
Тыбылты Леонид фембæлд соматикон рынчындоны медицинон персоналимæ
ТЫБЫЛТЫ Леонид: «Адæймаджы æнæниздзинадыл аудын — хæрзиуæгон хъуыддаг»
Республикæ Хуссар Ирыстоны Президент Тыбылты Леониды интервью телеканал «Россия 24»-йæн
Comments are closed, but trackbacks and pingbacks are open.