Паддзахадон хæдбардзинады Акт райсыны фæдыл Фæси-вæдон политикæ, спорт æмæ туризмы комитет уадзы спорты æндæр æмæ æндæр хуызтæй ерыстæ. Фыццаг уал спортивон бæрæгбон арæзт æрцыд стъолы теннисæй архайæг æвзонг спортсментæн.
Чызджыты ‘хсæн фæуæлахиз Къуылыхты Заринæ, дыккаг ссис Майя Касрадзе. Æртыккаг бынатыл та ацыд Тедеты Алинæ. «Уæлахизмæ тырнындзинады тыххæй призæй» хорзæхджын æрцыд Хъуылымбегты Виктория.
Лæппуты ‘хсæн иууыл цæттæдæр разынд Балдан Дашиев, дыккаг æмæ æртыккаг бынæттæ та адих кодтой Хаситы Багдан æмæ знауыраг Джиоты Алим.
«Уæлахизмæ тырнындзинады приз» лæвæрд æрцыд знауыраг Бицойты Сосланæн.
ФУТБОЛ
Ерыстæ райдыдтой футболæй дæр. Хайад сæ исынц республикæйы столицæ æмæ районтæй 15 командæйы. Уыдон дих сты æртæ кары къордыл. Æвзонг спортсментæн раарфæ кодта Фæсивæдон политикæ æмæ спорты фæдыл комитеты сæрдар Хубежты Руслан.
«29-æм майы нысан кæндзыстæм историон бон. 31 азы размæ Уæлдæр Совет райста хъысмæтскъуыддзагæнæн уынаффæ. Рæзгæ фæлтæр хъуа-мæ зоной нæ паддзахады исто-ри», – банысан кодта Хубежты Руслан.
ХУРИТЫ Батрадз
