Уагъд æрцæудзысты, «Растдон»-ы продукци популяризаци кæнын æмæ йын Хъырымы территорийыл йæ базарадон хызæг рапарахат кæнынæн ахъаз чи фæуа, ахæм мадзæлттæ, хъусын кæны куыстуаты пресс-службæ.

Хъырымы Республикæйы базарадон-сæудæджерон палатæйы делегаци раздæр базонгæ ис «Растдон»-ы комбинаты фыдызгъæлы продукцийы кондады ног технологиимæ. Уыдон æмгуыстад райрæзын кæныны тыххæй куыстуаты минæвæртты фæхуыдтой Хъырыммæ.

Холдинг «Евродон»-æй рав-зæргæ куыстуат Хуссар Ирыстоны байгом ивгъуыд аз  июлы мæйы æмæ иу азмæ рауагъта 100 тоннæйæ фылдæр продукци.

Компани «Евродон»-ы сæргълæууæг Уанеты Вадим куыд банысан кодта, афтæмæй абоны бон «Растдон» ласы продукци ахæм номимæ, куыд «Нартские» Цæгат Ирыстонмæ, Ставрополы, Краснодары крайтæм æмæ Ростовы областмæ.

«Нартские»-йы ассортименты ис бæстон куыстгонд продукцийы бирæ хуызтæ. Уыдон сты фæздæгдзыд æмæ æрдæгфæздæгдзыд тахынæгтæ, фых продукци, ветчинатæ æмæ æндæр деликатесон продукци, кæцытæ арæзт æрцыдысты традицион, бынæттон рецепттæм гæсгæ.

Куыстуат кæй уадзы, уыцы продукцийæн нырма йæ æртыккаг хай зайдзæн Ирыстоны, стæй та йе ‘мбис», – зæгъы Уанейы фырт.

Йæ ныхæстæм гæсгæ, ацы аз куыстуат рауагъта 60 тоннæйы продукци, 100 тоннæйы рауагътой йæ байгом кæнынæй нырмæ.

2018 азы кæронмæ ацы бæрæггæнæн хъуамæ схиза 300 тоннæмæ. Куыстуаты куыд банысан кодтой, афтæмæй фидæнмæ кондады гуырахст хъуамæ уа 600 тоннæмæ æввахс.

Comments are closed, but trackbacks and pingbacks are open.