Хуссар Ирыстоны Национ банг рауадздзæн, Уæрæсейы Федераци нын нæ паддзахадон хæдбардзинад куы банымадта, ууыл 15 азы сæххæсты боны цытæн зæрдылдарæн монетæ, – фехъусын кодтой финансон уагдоны.
«25 зæрины номиналы æвзист монетæйы презентаци уыдзæн 24-æм августы. Мадзалы хайад райсдзысты республикæйы къухдариуæгад, республикæйы Уæрæсейы Федерацийы минæвар Марат Кулахметов, акционерон æхсæнад «Гознак»-ы минæвар», – загътой бангы.
Уым ма банысан кодтой, Национ банг ма кæй рауадздзæн «Республикæ Хуссар Ирыстоны зæрдылдарæн монетæты» каталог. Уым, 2013 азæй финансон уагдон цы монетæтæ рауагъта, уыдонæй алкæцыйæн дæр уыдзæн йæхи хуызист, йæ характеристикæ, йæ афыст æмæ йæ историонтематикон бæлвырдгæнæн ирон æмæ уырыссаг æвзæгтыл.
