Хицауады Сæрдар Джуссойты Константин фембæлд микрорайон «Хурзæрин»-ы цæрджытимæ.
Ныхасы сæйраг темæ уыдис цæугæдон Леуахийы сæрты аварион хидимæ баст фарста.
Хицауады Сæрдар радзырдта, цы фадæттæ ис цæугæдоны сæрты рæстæгмæ хизæн сорганизаци кæнынæн.
«Мах кусæм хид капиталонæй сцалцæг кæныны фарстыл æмæ уыимæ иумæ агурæм рæстæгмæ иу фарсæй иннæмæ ахизæн ацæуæн саразыны варианттæ. Уый уыдзæн кæнæ понтонон хид, кæнæ та асфальт æрцæудзæн иувæрсты цæуæг фæндаг, цæмæй рыгвæндагыл ма цæуой адæм. Куыдфæндыйæ дæр уынаффæ ист æрцæудзæн, фæлæ йæ сæххæст кæнынæн бахъæудзæн рæстæг», – банысан кодта Джуссойты Константин.
Хицауады Сæрдар микрорайоны цæрджытимæ æрдзырдта æндæр актуалон фарстатыл дæр.
Микрорайоны цæрджытимæ фембæлды хайад райстой Экономикон рæзты министр Хъотайты Сæрмæт, æндæр профилон министрадты æмæ ведомствоты къухдариуæггæнджытæ.
