Цытджын Леонид Харитоны фырт,

Стыр зæдæрыстимæ Ирыстоны адæм мысынц 1992 азы 29-æм майы Зары хъæуы цур æрцæугæ трагикон цаутæ. Ацы фыдохы бон цæрæнбонтæм фыст æрцæудзæн нæ историйы, куыд Хуссар Ирыстоны сабыр цæрджыты ныхмæ Гуырдзыстоны фашистон политикæйы апофеоз. Хæстæй чи лыгъд, уыцы æнæаххос сывæллæтты, сылгоймæгты æмæ зæрæдты æгъатырæй кæй фехстой, уый у тæссаг фыдракæнд, кæцыйæн нæй ныххатыргæнæн дæр æмæ сразыуæвæн дæр. Мах алыхатт дæр нæ зæрдыл дардзыстæм æмæ кад кæндзыстæм ацы æбуалгъы фыдракæнды æнæаххос амæттæгты нæмттæ. Хуссар Ирыстоны бирæхъизæмаргæнæг адæмæн мæ зæрдæ зæгъы сабырдзинад, стабилондзинад æмæ æнцойдзинад. Уадз, уæ фæллойадон æнтыстытæ суæд хуыздæр дзуапп рæстæджы фæсидтытæн. Амонд æмæ дидинæфтыд, зынаргъ æфсымæртæ.

РЦИ-Аланийы Сæргълæууæджы хæстæ рæстæгмæ æххæстгæнæг Битарты Вячеслав


«Цытджын Леонид Харитоны фырт, Приднестровьейы къухдариуæгады æмæ сæрмагондæй мæхи номæй, дæуæн стыр цыт кæнгæйæ, мæсæллæйы ныхæстæ æрвитын Республикæ Хуссар Ирыстоны национ фыдохы боны сæраппонд.

Ацы фыдохы æмæ зæрдылдарæн бон приднестроваг адæм Хуссар Ирыстоны адæмимæ иумæ хъынцъым кæнынц, 1992 азы Зары трагедийы чи фæмард сты, уыдоныл. Сабыр арв уæд уæ сæрмæ æмæ уæ къухты бафтæд æппæт зындзинæдтæ иуварс кæнын — нæ цæст уарзы æфсымæрон ирон  адæмæн. Уадз, уæ зæххыл кæддæриддæр уæд сабырдзинад æмæ æнцойад. Æнустæм макуы ферох уæнт фæмардуæвджыты нæмттæ», — дзырдæуыд телы.


Луганскы Адæмон Республикæйы æппæт æмбæстæгты номæй æфсымæрон ирон адæмæн зæгъын мæсæллæйы æмæ фарсхæцынады ныхæстæ.

1992 азы майы мæйæ фæстæмæ мах Зары трагедийы тыххæй куы базыдтам, Америкæйы сæвæргæ лæг Эдуард Шеварднадзейы нацистон боевиктæ ирон лигъдæтты колоннæ куы фехстой, уæд Донбасс уайтагъддæр æмæ æдзухдæр уыд уе ‘вварс. Сымах хъахъхъæдтат уæ райгуырæн зæхх æмæ адæмы фæндондзинад,  растæй хæцыдыстут Стыр Фыдыбæстæйон хæсты хъайтарты традицитыл. Æмæ 2014 азы мах дæр бавзæрстам горæтты æхстытæ, фæзынд нæм лигъдæттæ дæр.

Хуссар Ирыстоны æмæ Луганскы Адæмон Республи-кæйы адæмтæ алы æмæ алы рæстæджыты сæхиуыл бавзæрстой геноцид сæ раздæры æмфыдыбæстæйонты аххосæй: сымах — Гуырдзыстоны ‘рдыгæй, æмæ мах — Украинæйы ‘рдыгæй.

Не ‘фсымæрты æмæ нæ хоты туг æмæ царды аргъæй махæн ис æнæхъæн дунейы бафæдзæхсыны бар: 1945 азы нацизмыл кæронмæ нæ фæуæлахиз сты. Нацизм гæнæн ис æмæ сæндидза кæцыфæнды бæстæйы дæр, цыран адæмы дих кæнынц национ кæнæ динон миниуджытæм гæсгæ. Уый йæ табæтæй сысты уым, цыран дзыллон информацийы минæвæрттæ парахат кæнынц мæнгдзинад æмæ тауынц фыдæхдзинад. Уый басæтты уыцы æхсæнадтæ, кæцытæн тых у закъонæй уæлдæр. Æмæ тагъдыл куынæ скуынæг кæнæм нацистон низ хæсджыты, уæд хæстæн æнæрцæугæ нæ вæййы. Ахæм у нæ фæлтæрддзинады карз хатдзæг.

Нырыккон нацизмы амæттæгты мысынады, зæххыл цард бахъахъæныны сæраппонд мах сымахимæ хæсджын стæм фынæй дуне райхъал кæныны æмæ йæм ацы хатдзæг бахæссын. Æмæ йæ мах æнæмæнгæй дæр сараздзыстæм. 20-æм майы ирæттæн фыдохы боны Донбассы адæм уемæ дих кæнынц уæ хъыг!

Луганскы Адæмон Республикæйы Сæргълæууæг Игорь Плотницкий


Цытджын æмбæстæгтæ!

20-æм май у Зары трагедийы амæттæгты мысæн æмæ хъынцъымы бон.

Ацы бон махæн нæ цæстыты раз сысты, лигъдæтты гуырдзиаг абырджытæ куы фехстой, уыцы ныв. Зары трагеди ахаста нæ сабыр æмбæстæгты дæсгæйтты цард. Нæй ныххатыргæнæн уыдонæн, кæцытæ сырдон æгъдауæй фехстой æнæаххос зæрæдты, сылгоймæгты æмæ сывæллæтты. Уый у хуссарирыстойнаг адæмы скуынæг кæныны фæдыл тæссагдæр планы фрагменттæй иу. Æбуалгъ фыдракæндæн, кæцыйæ ныккæрзыдта æнæхъæн цивилизацион дуне, кæцыйы тыххæй абоны онг дæр йæхимæ бæрндзинад ничи ма райста, ферохгæнæн нæй. Рыст зæрдæйæ мах мысæм уыдоны, кæцытæн царды фæндаг сси зындон.

Мах ахызтыстæм сæрибардзинад æмæ хæдбардзинады тохы вазыгджындæр фæндаджы сæрты. Махæй бирæты бахъуыд йæ цард нывондæн æрхæссын Уæлахизы сæраппонд. Æмæ абон гуырдзиаг фашистты къухæй чи фæмард, уыдоны хуыздæр мысынад суыдзысты не нтыстытæ паддзахадон арæзты, кæцытæ кæнынц стабилондзинад, сабырдзинад æмæ нæ райгуырæн бæстæйы дидинæфтыдмæ.

РХИ-йы Парламенты Сæрдар БИБЫЛТЫ Анатоли

Comments are closed, but trackbacks and pingbacks are open.