Леуахийы дыууæ фарсы баиу ног хид. Ууыл ныр сæрибарæй цæуынц адæм. Ацы районы цæрджытæ цæмæй сæ хæдзæрттæм бафтыдаиккой, уый тыххæй цыдысты фæсвæд фæндагыл. Ныр хидыл фистæгæй цæуæн ис, кæд эксплуатацимæ лæвæрд нæма æрцыд, уæддæр. Куыддæр хид арæзтадон æмæ техникон æгъдауæй сцæттæ уа, афтæ йыл рог æмæ уæзласæн хæдтулгæтæ цæуын райдайдзысты. Машинæтæн хидыл нæма ис цæуæн.
Ацы районы цæрджыты фæндонмæ гæсгæ хидæн йе ‘ддаг хуыз уыдзæн ирон орнаментæй фæлындгонд.
