Республикæ Хуссар Ирыстоны Президент Бибылты Анатоли телефонæй  ныхас кодта  Донецкы Адæмон Республикæйы Сæргълæууæг Денис Пушилинимæ.

Бибылты Анатоли банысан кодта, зæгъгæ, стыр катаимæ йæ хъус дары Донецкы  Адæмон Республикæйы алыварс æндыгъддзинады эскалацимæ æмæ фарсхæцынады ныхæстæ загъта Донецкы æмæ Луганскы Адæмон Республикæты адæмæн. Уый фæазымджын кодта, Украинæйы æфсæдты, сабыр цæрæн пунктты кæй æхсынц, уый тыххæй, кæцыты аххосæй сабыр цæрджыты бахъуыд сæ цæрæн хæдзæрттæ ныууадзын .

«Æппæт уыдæттæм гæсгæ саразæн ис хатдзæг, Украинæйы фарс чи хæцы, уыцы бæстæтæ сразы сты хæстон архайдтытæ райдайынæн», – банысан кодта РХИ-йы Президент.

Бибылты Анатоли Денис Пушилинæн загъта, Хуссар Ирыстон цæттæ  кæй у Донецкæй сидзæр сывæллæтты иу къорд райсынмæ.

Сывæллæттæ æркæнын æмæ сæ  райсыны тыххæй Президент æмбæлон хæслæвæрд радта Республикæ Хуссар Ирыстоны Уæлвæткон уавæрты æмæ Ахуырады министрадтæн.

Æххуысы тыххæй ахæм фæндон æрвыст æрцæудзæн Луганскы  Адæмон  Республикæмæ дæр.

Ацы æрмæджытæ дæр бакæс:

Юбилейон мадзæлттæ, хъуыддагон фембæлдтытæ Default ThumbnailСæрибардзинадмæ зын фæндаг Денис Мирошниченко æмæ Гасситы Петр дидинджытæ сæвæрдтой Луганскы цыртытыл Луганскы Адæмон Республикæйы Сæргълæууæг Леонид Пасечникы официалон балц республикæмæ Фембæлдтытæ Республикæйы боны бæрæгбонмæ æрцæуæг делегацитимæ

Comments are closed, but trackbacks and pingbacks are open.