Бибылты Анатоли: «Горæты æмæ районы поликлиникæты бынат аивыны фарст скъуыддзаг нæма у»

Æрæджы Президент Бибылты Анатоли фембæлд Цхинвалы горæтон поликлиникæйы коллективимæ.

«Бузныг, Анатоли Ильяйы фырт, нæ проблемæмæ афтæ тагъд дæ хъус кæй æрдардтай, уый тыххæй. Нæ коллектив катай кæны, поликлиникæйы Республикон рынчындоны бæстыхаймæ рахæссыны тыххæй цы дам-думтæ цæуы, уый тыххæй», –  Президентæн загъта Цхинвалы горæтон поликлиникæйы сæйраг дохтыр Санахъоты Тамарæ.

Паддзахады сæргълæууæг куыд банысан кодта, афтæмæй хорз зонгæ у ацы фарстимæ, дзырд ыл цыд бирæ хæттыты.

«Æз поликлиникæйы бæстыхайы хисæрмагонд къухтæм радтыны тыххæй дзуапп лæвæрдтон, Парламенты Сæрдар ма куы уыдтæн, уæд. Уæд дæр ма уый тыххæй дзырд цыд æмæ раздæр дæр æмæ ныр дæр æз хъусын кæнын, фидарæй кæй дæн паддзахадон бæстыхæйтты хисæрмагонд къухтæм радтыны ныхмæ», – загъта Президент.

Уыимæ иумæ паддзахады сæргълæууæг банысан кодта, зæгъгæ, æнæниздзинад хъахъхъæныны фадыджы рагæй фæстæмæ цы къорд проблемæ-тæ сæвзæрд, уыдон аскъуыддзаг кæнын кæй хъæуы, æмæ уый тыххæй республикæйы къухдариуæгады бар-æнæбары бахъуыд оптимизацийы алы-гъуызон фæндæгтæ агурыны сæр.

«Махæн нæ бон нæу æрмæст нæхи хæрзвадатдзинад æмæ интерестыл хъуыды кæ-нын. Хъæуы æркæсын æнæ-низдзинад хъахъхъæныны æппæт проблемæтæм дæр. Уæд рабæрæг уыдзæн, уыдон, поликлиникæйы бынат кæм уы-дзæн,  уымæй бирæ фылдæр кæй сты. Абоны бон ахæм уа-вæр сæвзæрд, æмæ Æнæниздзинад хъахъхъæныны æмæ социалон рæзты министрады цы фæкæнæм, уый нын нæй, нæй нын психиатрион рынчындон, нæй нын хосгæнæн-физкультурон бæстыхай.  Зæрæдты хæдзар дæр ис аварион уавæры. Кæд уæ исчи зоны уыцы проблемæтæ аскъуыддзаг кæ-ныны æндæр амал, уæд цæттæ дæн алкæмæ дæр уæ байхъусынмæ», – загъта уый.

Уыимæ иумæ ма Президент банысан кодта, зæгъгæ, персонал фæкъаддæр кæныны тыххæй кусджыты тыхстдзинад у æнæбындур, æнæбындурæй тыхсынц, æмæ сын ныфс бавæрдта, поликлиникæйы иунæг кусæг дæр йæ кусæн бынат кæй нæ фесафдзæн, уый тыххæй.

«Дзырд цæуы æрмæстдæр дыууæ кæнæ фылдæр бынаты чи кусы, уыдоныл», – фехъусын кодта уый.

Бибылты Анатоли банысан кодта, зæгъгæ, горæты æмæ районы поликлиникæты Республикон рынчындоны бæстыхаймæ ахæссыны тыххæй фарст нырма кæронмæ скъуыддзаг нæу, поликлиникæйы кусджыты интерестæ кæй хынцæм, уымæ гæсгæ, æмæ бахаста фæндон, цæмæй ноджыдæр иумæ фем-бæлой дыууæ къуырийы фæстæ.

«Мæнæн æхсызгон у, адæм æмæ паддзахады ‘хсæн дыууæрдæм бастдзинад кæй ис, уый. Уырны мæ, ацы фем-бæлды фæстæ æрцæудзы-стæм иу хъуыдымæ», – загъта уый.

Фембæлды хайад райста Æнæниздзинад хъахъхъæныны æмæ социалон рæзты министр Тотчиты Георги.

Республикæ Хуссар  Ирыстоны Президенты пресс-службæ