Хуссар Ирыстоны Фæндагон змæлды æдасдзинады паддзахадон инспекцийы управленийы кусджытæ банысан кодтой сæ профессионалон бæрæгбон. РХИ-йы Мидхъуыддæгты министрад куыд хъусын кæны, афтæмæй сæрмагонд сконды цытджын ралæуд паддзахадон автоинсекцийы 82 азы боны цытæн уагъд æрцыд Фæндагон змæлды æдасдзинады паддзахадон инспекцийы управленийы территорийыл.

Автоинспектортæн сæ бæрæгбоны цытæн раарфæ кодта Фæндагон змæлды æдасдзинады паддзахадон инспекцийы управленийы хистæр, милицийы инæлар-майор Джиоты Алан.

Уый банысан  кодта, æрвылаз дæр кæй фылдæр кæны транспорты нымæц, фæндаджы змæлд та кæны уынгæгдæр. Ахæм уавæры инспекторты куыст у зын, фæлæ æнæмæнгхъæуæг.

«Уæ куыст у бæрнджын æмæ зын, хаттæй-хатт та тæссаг. Уымæ гæсгæ, уын мæ цæст уарзы æнтыстытæ æмæ фидар æнæниздзинад. Бузныг уын уæ куысты тыххæй, кæцы здæхт у не ‘мбæстæгты  æдасдзинад бахъахъхъæнынмæ», – банысан кодта Джиоты Алан.

Сæ профессионалон бæрæгбоны цытæн автоинспектортæн РХИ-йы Мидхъуыддæгты министрады сæргълæууæг Наниты Игоры номæй раарфæ кодта министры хæдивæг, кадрты управленийы хистæр, милицийы булкъон Дзабиты Æхсар.

«Нырыккон царды фæндагон-патрулон службæйы кусджыты æрвылбонон куыстæн зын у аргъ скæнын фæндаджы æдасдзинад бахъахъхъæныны хъуыддаджы. Æрывлбон дæр сымах архайут аваритæ ма ‘руадзыныл, ифтонг кæнут цæрджыты æдасдзинад æмæ бæстон кæнут æппæт автотранспортон комплексы куыст»

Банысан ма чындæуыд, зæгъгæ Республикæ Хуссар Ирыстон у зын æмæ спецификон регион фæндагон æдасдзинад сифтонг кæныны хъуыддаджы.

«Ахæм уавæрты фæндагон милицийы кусджытæй домдæуы стыр профессионализм, сæ зын куыстыл иузæрдыгдзинад, арæх та хъæбатырдзинад. Уадз  æмæ  уæ куыст кæддæриддæр уа æдасдзинады гаранти куыд машинæскъæрджытæн, афтæ фистæгæй цæуджытæн дæр», – дзырдæуы арфæйы фыстæджы.

Сæ архайды стыр æнтыстытæ æмæ службæйы 82 азы цытæн хуыздæр кусджытæн лæвæрд æрцыдысты ведомствæйон хорзæхтæ.

Паддзахадон автоинспекцийы инспектортæй бирæтæ хайад нæ райстой хорзæхджын кæныны цытджын церемонийы – сæ профессионалон бæрæгбон уыдон арвыстой сæ куысты бынæтты. Цытджын мадзалы фæстæ Фæндагон змæлды æдасдзинады паддзахадон инспекцийы управленийы хистæр бабæрæг кодта фæндагон-патрулон службæйы бынæттæ, раарфæ кодта кусджытæн сæ профессионалон бæрæгбоны цытæн æмæ сын ратта сæ хорзæхтæ.

Ацы æрмæджытæ дæр бакæс:

Фæндагон æдасдзинады фæткойтæ хъахъхъæнын – алкæйы хæс дæр Фæндагыл æдасдзинады фæткойтæ æххæсткæнинаг сты алкæмæн дæр Æнахъомтимæ куыст бæрнон куыст у Паддзахадон Æдасдзинады комитеты кусджытæ банысан кодтой сæ профессионалон бæрæгбон Паддзахадон æдасдзинады комитет æнтыстджынæй æххæст кæны йæ разылæууæг хæстæ

Comments are closed, but trackbacks and pingbacks are open.