Зонындзинæдты бон, Цхинвалы районы Сатихъары иумиагахуырадон скъоламæ лæвæрттимæ фæуазæг Автомобилон фæндæгты арæзтад æмæ сæ эксплуатацийы фæдыл комитеты сæргълæууæг Гуыззыдтаты Эуард.

Хъыгагæн, ацы аз Сатихъары скъолайы фыццаг къласмæ 3 ахуыргæнинагæй фыдæр не ‘рбацыд. Уыдонæн Гуыззыдтаты Эдуард канд портфелтæ не ‘рбахаста, фæлæ ма ахуыры азы дæргъы, райдиан кълæсты ахуыргæнинæгтæн тетрадтæ, карандастæ, ручкæтæ æмæ ахуырæн æддейæ цы цæстуынгæ æрмæджытæ хъæуы уыдон дæр. Æнæ лæвæрттæ нæ баззадысты ахуыргæнджытæ сæхæдæг дæр.

Ацы бон ма сывæллæттæ лæвæрттæ райстой парти «Иу-уон Ирыстон»-æй дæр.

Ног ахуыры азы сæраппонд ахуыргæнинæгтæн раарфæ кодтой Цхинвалы районы администрацийы минæвæрттæ Тедеты Никъала æмæ Хетæгкаты Анатоли.

Уæлдай буц митæ кодтой фыццагкъласонтæн. «Абоны бон уæ разы байгом ног фæндæгтæ. Ис уын фадæттæ, цæмæй рацæуат аккаг адæймæгтæ. Кæд æмæ уын уа ахуырмæ тырнындзинад, уæд æз уыдзæн амондджын ахуыргæнæг. Алы бон дæр нын хæсдзæнис циндзинад!»  ахæм рæвдауæн ныхæстæ сын кодта сæ ахуыргæнæг Бесаты Линæ.

Уазæгты М.

Comments are closed, but trackbacks and pingbacks are open.