Цытджын ахуыргæнджытæ æмæ ныййарджытæ!
Мæ зынаргъ скъоладзаутæ æмæ студенттæ!
Арфæ уын кæнын Зонындзинæдты æмæ ахуыры азы райдайæны боны цытæн!
Нырыккон дунейы ахуырдзинад у эффективон куысты, æнтыстджын карьерæйы, цымыдисон, æххæстхъомыс царды нысан. Зондджын, ахуыр адæймæгтæ сæ Фыдыбæстæйæн аразынц амондджын фидæн. Сымах дæр ахæм бары аккаг хъуамæ суат тырнындзинады, хъæддыхдзинад æмæ куысты руаджы.
Абон иууыл тынгдæр фæтыхсынц фыццагкъласонтæ, уыдонæн фыццаг хатт айзæлдзæн скъолайы дзæнгæрæг. Скъола уын суæд, ног æнтыстытæй, æцæг хæлæртты мидбылхудтæй йемыдзаг ног зонындзинæдты æцæг аргъуан. Ацы нысаниуæгджын бон уын арфæйы æмæ бузныджы ныхæстæ æрвитын уæ ахуыргæнджытæм – сæхиуыл нæ ауæрдгæ куыст у кад æмæ цыты аккаг, уæ ныййарджытæм – се ‘ххуысы æмæ æгæрон быхсындзинады тыххæй.
Уырны мæ, сымах дарддæр дæр æппæт дæр араздзыстут ног фæлтæры лидертæ цæттæ кæныны тыххæй.
Зынаргъ сывæллæттæ!
Сымахæн уыдзæн цымыдисон, дзаджджын цард. Мæ зæрдæ уын зæгъы фидар æнæниздзинад, æмзонд æмæ æнтыстытæ. Уæхиуыл æууæндут æмæ ныфсджынæй цæут уæ царды нысанмæ! Ног ахуыры аз уын уæд æнтыстджын, æрхæссæд уын ногдзинæдты гомкæнынад, ахсджиаг сфæлдыстадон æнтыстытæ æмæ перспективæты циндзинад!
Зонындзинæдты бæрæгбоны хорзæх уæ уæд, рæствæндаг ут!
Республикæ Хуссар Ирыстоны
Президент ГАГЛОЙТЫ Алан
***
Цытджын педагогтæ!
Зынаргъ ахуыргæнинæгтæ æмæ студенттæ!
Зæрдиагæй уын арфæ кæнын иууыл ирддæр æмæ хæлардæр бæрæгбоны – Зонындзинæдты æмæ ног ахуыры азы райдайæны боны цытæн.
Алкæмæн уарзон бæрæгбон йемыдзаг у хæларзæрдæ эмоцитæй æмæ хъæлдзæг æнхъæлмæкастæй. Фыццагкъласонтæн уый у ахуыргæнджытимæ æмæ скъолаимæ фыццаг фембæлд, ног хæлæрттимæ зонгæ кæнын, зонындзинæдтæм цымыдисон фæндаджы райдайæн бон. Суденттæ-фыццагкурсонтæ æрæвналдзысты сæ равзаргæ професси ахуыр кæнынмæ.
Цытджын педагогтæ, бузныг уын уæ хæрзиуæгон æмæ бæстон куысты тыххæй. Сымах бирæбæрцæй бæрæг кæнут алкæцы ахуыргæнинаджы дунеæмбарынад æмæ царды æргъадтæ, уæ ахуыргæнинæгтæм æвзæрын кæнут зонындзинадмæ цымыдисдзинад, Райгуырæн бæстæйы историмæ уарзондзинад, хъомыл кæнут Фыдыбæстæйы патриоттæ.
Зынаргъ скъоладзаутæ æмæ студенттæ, уадз, ацы аз уын суæд ногдзинæдтæ гом кæныны, цымыдисон зонындзинæдты æмæ ирд тæлмæнты рæстæг, ног ахуыры азы алы бон дæр уын æрхæссæд зонындзинæдты æхцондзинад æмæ йемыдзаг уæд æнтыстытæй.
Ног ахуыры азы райдайæны мæ фæнды зæгъын фидар æнæниздзинады, æнтыстджын ахуыры æмæ æууæнкджын, иузæрдион хæлæртты фæндиæгтæ.
Республикæ Хуссар Ирыстоны
Парламенты Сæрдар МÆРГЪИТЫ Алан
