Æрæджы нæ республикæйы скъоладзаутæн уагъд æрцыдис аивадон конкурс «Мæ Алани», зæгъгæ. Хайад дзы райстой нæ горæты æмæ районты скъолатæй иу мин сывæллонæй фылдæр. Уыдонæй сæ иу уыд Цæгат Ирыстон-Аланийы горæт Беслæны скъолайы ахуыргæнинаг, кæцы скъолайы улæфтыты рæстæджы уыдис нæ горæты, æмæ куы фехъуыста конкурсы тыххæй, уæд æй бафæндыдис уым хайад райсын.
Конкурсы хайадисджытæ сæ арæхстдзинад æвдыстой нæ историйыл дзурæг сочинени чи хуыз-дæр ныффысдзæнис, кæнæ уыцы темæйыл йæ хуыздæр ныв чи скæндзæнис.
Конкурс ауадзыны нысан та уыдис нæ фыдæлты ном – Алани раздахыны фарс рахæцын. Сывæллæтты куыстытæн аргъгæнæг уыдысты жюрийы уæнгтæ, кæцыйы сконды уыдысты фæлтæрд ахуыргæнджытæ. Конкурсы фæлгæтты куыстытæ уыдысты сочиненитæ, эссетæ æмæ æмдзæвгæтæ, кæцытæ фыст уыдысты нæ мадæлон æвзагыл. Фæстаг цалдæр боны дæргъы жюрийы уæнгтæ архайдтой куыстæн æмбæлон аргъ скæныныл. Уыдон конкурсы куыстытæй баззадысты райгондæй æмæ сын призон бынæттæ рахицæн кæнын уыд тынг зын.
Æвзонг нывгæнджыты куыстыты равдыст уал фыццаг æвдыст æрцыд 6-æм апрелы Колыты Аксойы номыл паддзахадон лицейы. Ардæм сæм æрбацыдысты нæ республикæйы къухдариуæггæнджытæ. Уый фæстæ жюрийы уæнгтæ куы равзæрстой хуыздæр куыстыты, уæд фæуæлахизуæвджыты сæ боны дыккаг æмбисы сæ ахуыргæнджытимæ йæхимæ райста нæ республикæйы Президент Тыбылты Леонид. Уый фембæлды рæстæджы раарфæ кодта конкурсы фæуæлахизуæвджытæн. Æрдзырдта конкурсы нысаниуæгыл. Банысан ма кодта, ахæм æвзонгæй нæ историмæ хъус аздахын хорз хъуыддаг кæй у, уый. Нæ республикæйы Президент ма бузныджы ныхæстæ загъта сывæллæтты ахуыргæнджытæн дæр кæстæр фæлтæримæ сæ зæрдæбын куысты тыххæй. Уый ма бафæндыдис, цæмæй сæ куыстытæ хицæн æмбырдгондæй рацæуой.
Фембæлды рæстæджы Президент Тыбылты Леонид конкурсы хайадисджытæн радта дипломтæ æмæ æндæр зæрдылдарæн лæвæрттæ. Конкурсы «Мæ Алани»-йы хайадисæг Бестауты Масайя та нæ паддзахады сæргълæууæгæн балæвар кодта йæхи конд ныв.
Банысан кæнын хъæуы уый, æмæ конкурсы фæуæлахизуæвджытæ кæй систы Бестауты Масайя, Бекъойты Яна, Букуылты Виктория, Бестауты Алан, Бететы Азæ æмæ Тараты Ирэнæ.
Фембæлды рæстæджы бузны-джы æмæ арфæйы ныхæстæ загъта РХИ-йы Зонад æмæ ахуырады министр Гасситы Натали дæр. «Мæ Алани»-йы архайджытæн æй бафæндыдис, цæмæй сын сæ дарддæры фæндагыл – сæ аивадон фæндагыл уа ноджы стырдæр æн-тыстытæ!
Туаты Ларисæ
Comments are closed, but trackbacks and pingbacks are open.