Республикæ Хуссар Ирыстоны санитарон-эпидемиологон службæйы цытджын кусджытæ æмæ ветерантæ!
Республикæ Хуссар Ирыстоны Парламент æмæ сæрмагондæй мæхи номæй арфæ кæнын ведомствойы æппæт кусджытæн сæ профессионалон бæрæгбоны цытæн.
Уæ æрвылбонон архайд здæхт у адæмы æнæниздзинад æмæ царды уавæртæ фæхуыздæр кæнынмæ, инфекцион низты профилактикæмæ, фæлхасгæнджыты бартæ æмæ интерестæ хъахъхъæнынмæ. Комитеты кусджытæ цæсгомджынæй æххæст кæнынц сæ разылæууæг хæстæ. Æрвылбон уыдон скъуыддзаг кæнынц бирæ вазыгджын хæстæ, аудынц не ‘мбæстæгты фæрныгад æмæ æнæниздзинадыл.
Ацы нысаниуæгджын боны уæ ведомствойы æппæт кусджытæн мæ зæрдæ зæгъы фидар æнæниздзинад, фæрныгад, æвидигæ энерги æмæ æнтыстытæ.
Республикæ Хуссар Ирыстоны Парламенты Сæрдар МÆРГЪИТЫ Алан
***
Хъæды хæдзарады зынаргъ кусджытæ æмæ ветерантæ!
Республикæ Хуссар Ирыстоны Парламент æмæ сæрмагондæй мæхи номæй арфæ кæнын профессионалон бæрæгбон – Хъæды хæдзарады боны цытæн.
Ацы фадыджы кусджыты сæйраг хæс у нæ республикæйы хъæды садзæнтæ бахъахъхъæнын æмæ фæфылдæр кæнын, нæ алыварс тыгъдадыл аудын, æрдз æмæ техникон прогрессы фæстиуджыты ‘хсæн æмуæзы уæвынад, хъæд æмæ хъæды цæрджыты хъахъхъæнын. Æнæмæнгхъæуæг у хъæды садзæнтæ æндидзын кæнынмæ, хъæды знаггадгæнджытимæ æмæ хъæды зынгсирвæзтыты профилактикæ æмæ тох кæнынмæ лæмбынæг хъусдард дарын.
Уæ профессионализм, æрвылбонон куыст, хъуыддагмæ бæрнон ахаст ахъаз кæнынц флорæ æмæ фаунæ, нæ республикæйы æппæт хъæды хъомысад бахъахъхъæнын æмæ фæфылдæр кæнын.
Мæ цæст уарзы фадыджы æппæт кусджытæн фидар æнæниздзинад, фæрныгад, сабырад æмæ æнтыстытæ профессионалон фадыджы.
Республикæ Хуссар Ирыстоны Парламенты Сæрдар МÆРГЪИТЫ Алан
