Видеобастдзинад
Спутник – Хуссар Ирыстоны пресс-центры уагъд æрцыд видеобастдзинад Мæскуы æмæ Цхинвалы ‘хсæн – «Ног геополитикон уавæрты Уæрæсе æмæ Хуссар Ирыстоны æмахастытæ: историон, политикон æмæ барадон аспекттæ». Мадзал уагътой 2008 азы 17 сентябры Уæрæсе æмæ Хуссар Ирыстоны ‘хсæн Хæлардзинад, æмгуыстад æмæ кæрæдзийæн æххуысы сразыдзинады бафыстыл 16 азы сæххæсты цытæн.
Видеобастдзинады хайадисджытæ уыдысты Президенты Паддзахадон уынаффæгæнæг Беджызаты Батрадз æмæ Хъахъхъæнынад æмæ æдасдзинады фæдыл парламентон комитеты сæрдары хæдивæг Сиукъаты Алымбег. Мæскуыйы студийы уазджытæ та уыдысты Хуссар Ирыстоны Президенты Паддзахадон уы-наффæгæнæг Гобозты Вячеслав æмæ Хæдбар паддзахадты æмхæларады Кавказы институты хайады къухдариуæггæнæг Владимир Новиков.
Уæрæсеимæ ахастыты дыууæ этапы
Гобозты Вячеславы ныхæстæм гæсгæ, Уæрæсе æмæ Хуссар Ирыстоны ахастытыл дзырд куы цæуа, уæд сын интеграцион процессты бындурыл ис æххæстхъомысадон цæдисдзинад. Нæ бæстæты ахастытыл дзургæйæ, уыдонæн радихгæнæн ис дыууæ этапыл – Уæрæсейы ‘рдыгæй Хуссар Ирыстоны хæдбардзинады банымады агъоммæ æмæ уымæй фæстæмæ. Раздæры советон рæстæджы æмæ уый фæстæ дæр Уæрæсе стыр ахъаз уыд Хуссар Ирыстоны паддзахаддзинады рæзт æмæ уæвынадæн. Æнæ Мæскуыйы æххуысæй Цхинвалæн, кæй зæгъын æй хъæуы, зындæр уыдаид сæ сæрибардзинад æмæ хæдбардзинады сæрыл тох кæнын.
Уæрæсейы Федераци Гуырдзыстонимæ йæ ахастытæ кæй биноныг кæны, уый тыххæй Гобозты Вячеслав афтæ радзырдта, зæгъгæ, бæрæг факттæм гæсгæ, Уæрæсе Хуссар Ирыстон æмæ Абхазы паддзахадон хæдбардзинадтæ кæй банымадта, уыцы историон уынаффæ у бындурон, æнæаивгæ. Мæскуы раджы дæр æмæ æрæджы дæр дзырдта, зæгъгæ, Тбилисимæ ахастытæ бæстон цæудзысты уæвæг реалитæ хынцгæйæ, фæлæ Цхинвал æмæ Сухумы интерестæ хъыгдард нæ цæудзысты.
Хуссар Ирыстон разы у Цæдисон паддзахады сконды уæвын
Видеобастдзинады хайадисæг ма куыд дзырдта, уымæ гæсгæ Хуссар Ирыстон паддзахады рæзты перспективон вариантыл нымайы Цæдисон паддзахады сконды уæвгæйæ. Уымæн æмæ æмбæрстгонд у, официалон æмвæзадыл нын къуындæг архæйдтыты фадæттæ кæй ис.
«Уый æмрæнхъ, æнæофициалон æмвæзадыл та нын – спорты, культурæйы, экспертон æмæхсæнады æнгом бастдзинæдтæ ис Беларусимæ. Аразæм æппæт дæр, кæй зæгъын æй хъæуы, Уæрæсейы æххуысæй. Нæ æддагполитикон къахдзæфтæ активонæй аразыны хъуыддаджы уый нæ фарсмæ ис», – банысан кодта уый.
Ныфс бавæрдта, Хуссар Ирыстон Цæдисон паддзахадмæ бацæуыны фарст -абон уа æви сом, уæддæр ыл дзырд цæудзæн политикон боны фæткы.
Владимир Новиковы ныхæстæм гæсгæ, кæд Уæрæсе цымыдис кæны Гуырдзыстоны нейтралитетмæ, уæддæр уый нæ бандавдзæн Цхинвал æмæ Мæскуыйы ахастытыл. Уый нæ, фæлæ ахастытæ ноджы рæздзысты æмæ фидар кæндзысты.
«Мах нæ бæлвырд цæдисонты æнæнхъæлæджы «хæлæрттыл» нæ ивæм», – фехъусын кодта уый. Йæ хъуыдымæ гæсгæ, Гуырдзыстон йæхи сæрмагонд интерестæ хынцгæйæ, тырны Уæрæсеимæ æнгомдзинадмæ. Ома йе эргом кæй раздæхта Уæрæсемæ, уый баст у уыимæ, æмæ гуырдзиæгты нæ фæнды Сæрмагонд æфсæддон операцийы фæлгæтты дыккаг фронт ,fræysy. Нæдæр æй фæнды уыцы хъаугъайы хайадисæг суа, кæд тынг цымыдис кæны, уæддæр. Тбилисы хъæуы, цæмæй Мæскуы ныссæдза уыцы хъаугъайы – уымæй уыдонæн фадат фæуыдзæн йæ нейтралитеты тыххæй базар кæнын. Уымæ гæсгæ Гуырдзыстон йе ‘ргом здахы Уæрæсемæ æмæ цæттæ у йемæ бадзырднæ уадзынмæ – уыдон сты фыны фенæг хабæрттæ.
Куыд зонæм, уымæ гæсгæ Республикæ Абхазæн Уæрæсейы Федераци хайгай æруромдзæн социалон-эконо-микон æххуыс. Уый фæдыл видеобастдзинады рæстæджы Гобозты Вячеслав банысан кодта, зæгъгæ, Хуссар Ирыстонмæ ахасты социалон бафыстыты фарсты фæдыл ницыхуызон негативон ивындзинæдтæ нæ уыдзæн. Республикæйы бюджетон фадыджы кусджытæн социалон бафыстытæ хицæн цæуынц, Хуссар Ирыстон æмæ Уæрæсейы ‘хсæн Цæдисад æмæ интеграцийы тыххæй сразыдзинады бындурыл.
Алы уагдон дæр йæ уæрæсейаг коллегæтимæ аразы æмбæлон сразы-дзинад æмæ уымæй дарддæр куыст цæуы ног сразыдзинæдтæ бафыссыныл.
Сæрмагонд æфсæддон операцийы хайадисджытæн – хатыртæ
Хъахъхъæнынад æмæ æдасдзинады фæдыл парламентон комитеты сæрдары хæдивæг Сиукъаты Алымбеджы ныхæстæм гæсгæ, ацы фарст тынг актуалон у æмæ йыл цæуы куыст. Куыд банысан кодта, уымæ гæсгæ Хуссар Ирыстонæй сæрмагонд операцийы хайад исынц дыууæ минмæ æввахс æмбæстаджы.
«Ацы здæхты куыст райдыдта Парламенты æвдæм сæвзæрст. Уагъд цæуынц консультацитæ æмæ уæрæсейаг коллегæтимæ æмгуыст кæнæм. Ныртæккæ материалон æххуыс цæуы сæрмагонд æфсæддон операцийы хайадисджытæ æмæ сæ бинонтæн.
Президенты барамындæй æмбырд æмæ сæрмагонд æфсæддон операцийы бынатмæ æппынæдзух æрвыст цæуы гуманитарон æххуыс. Уыцы хъуыддаджы хайад исынц Парламенты депутатон корпус дæр. Уыдон дæр æрвылмæй бæрæг нымæц хицæн кæнынц æфсæддон операцийы хæрдзтæн æмæ дарддæр дæр æххуыс цæудзæн. Ацы æвæджиаг хъуыддагмæ сæ бавæрд хæссынц Президенты администрацийы кусджытæ дæр. Æмткæй сисгæйæ, æгас республикæ, фадат æмæ уавæртæм гæсгæ, æххуыс кæнынц сæрмагонд æфсæддон операцийы хайадисджытæн.
Хуссар Ирыстонæн байгом уыдзысты æмгуыстады перспективæтæ
Беджызаты Батрадзы ныхæстæм гæсгæ, Хуссар Ирыстон дæр бахъуа-джы рæстæджы ис Уæрæсейы Федерацийы фарсмæ. Сæрмагонд æфсæддон операцийы Хуссар Ирыстонæй цы лæппутæ хайад исынц, уыдонæй бирæтæ хорзæхджын æрцыдысты РХИ æмæ УФ-йы паддзахадон хорзæхтæй.
Банысан кодта, зæгъгæ, Уæрæсе сæрмагонд æфсæддон операци æнтыстджынæй куы сæххæст кæна, уæд райдайдзæн ивындзинæдты æнус, байгом уыдзысты дунеон æмгуыстады перспективæтæ.
«Уыцы ивындзинæдтæ, фыцца-джыдæр, баст сты, Мæскуы цы интеграцион процесстæ размæ кæны, уыдонимæ. Æнхъæлмæ кæсæм арф экономикон бастдзинæдты райтынгмæ уыдоны фæрцы фæфылдæр уыдзысты инвестицитæ, рæздзæн инфраструктурæ æмæ хуыздæр кæндзысты адæмы царды уавæртæ», – банысан кодта уый.
Дарддæр куыд дзырдта, уымæ гæсгæ Хуссар Ирыстон, гæнæн ис, æмæ уа ног интеграцион баиугæндты фæл-гæтты хайадисæг – Евразиаг экономикон цæдис кæнæ коллективон æдасдзинады организацийы. Ахæм структурæты хайадист фадат ратдзæн иумæйаг программæтæ æмæ инициативæтæй пайда кæнынæн. Ивындзинæдтæ уыдзæн политикон фадыджы дæр.
КЪÆБУЛТЫ Маринæ