РХИ-йы Президент Гаглойты Алан телефоны ныхас кодта Уæрæсейы Федерацийы Хицауады Сæрдары хæдивæг Александр Новакимæ.
Александр Новак раарфæ кодта Гаглойты Аланæн æмæ Хуссар Ирыстоны æппæт адæмæн Уæрæсейы ‘рдыгæй Республикæ Хуссар Ирыстоны хæдбардзинад банымайыны боныл 16 азы сæххæсты цытæн. Хуссар Ирыстонæн æй бафæндыд сабырдзинад æмæ дарддæры дидинæфтыд.
«Дарддæр дæр уын æххуыс кæндзынæн Хуссар Ирыстоны социалон-экономикон рæзты фæдыл актуалон хæстæ скъуыддзаг кæнынæн», – банысан кодта уый.
Йæ рады, Гаглойты Алан бузныг загъта Александр Новакæн йæ хъарм арфæты тыххæй. «Хуссар Ирыстоны адæмæн Уæрæсейы ном комкоммæ баст у æфсымæрон æххуысимæ æмæ мæлæты тæссагдзинад аиуварс кæнынимæ. Стратегион партнерондзинады рæзт æмæ фидардæр кæнын у ахсджиагдæр приоритет, кæцы æххæстæй æххуыс кæны республикæйы адæмæн», – загъта уый.
***
РХИ-йы Президент Гаглойты Алан ма телефоны ныхас кодта УФ-йы Æдасдзинады советы сæрдары хæдивæг Дмитрий Медведевимæ.
Дмитрий Медведев раарфæ кодта Гаглойты Аланæн æмæ Хуссар Ирыстоны æппæт адæмæн Уæрæсейы ‘рдыгæй Республикæ Хуссар Ирыстоны хæдбардзинад банымайыны боныл 16 азы сæххæсты цытæн. Хуссар Ирыстонæн æй бафæндыд сабырдзинад, фæрныгад æмæ дарддæры дидинæфтыд.
«Хуссар Ирыстоны æмбæстæгты сæрибар фæндондзинадæн кад кæнгæйæ, ИНО-йы уставы уагæвæрдтыл æмæ æндæр æхсæнадæмон документтыл бындуриуæг кæнгæйæ, 16 азы размæ æз райстон уынаффæ Уæрæсейы Федерацийы ‘рдыгæй Республикæ Хуссар Ирыстоны суверенон æмæ хæдбар паддзахадыл банымайыны тыххæй.
Уыцы рæстæджы нæ бæстæты ‘хсæн ахастытæ рахызтысты æмцæдисад æмæ интеграцийы ног æмвæзадмæ. Хуссар Ирыстоны къухты бафтыд зынгæ æнтыстытæ паддзахадон арæзты æмæ демократи сфидар кæныны. Алан Эдуарды фырт, ныфс дын æвæрын, Уæрæсе дарддæр дæр республикæйæн алыварсон æххуыс кæй кæндзæн, уымæй», – загъта уый.
Йæ рады, Гаглойты Алан бузныг загъта Дмитрий Медведевæн Хуссар Ирыстоны адæмæн хъысмæтскъуыддзаггæнæн уынаффæйы тыххæй æмæ равдыста йæ цæттæдзинад Мæскуы æмæ Цхинвалы ‘хсæн æмцæдисад æмæ интеграцийы ахастыты дарддæры æппæтварсон рæзты тыххæй.
«Хуссар Ирыстоны стыр аргъ кæнынц дæ историон уынаффæйæн Уæрæсейы Федерацийы ‘рдыгæй Республикæ Хуссар Ирыстоны хæдбардзинад банымайыны тыххæй æмæ алыхатт дæр бузныг уыдзысты къухы бафтгæ сабырдзинад æмæ сомбоныл æууæнкдзинады тыххæй», – загъта уый.
***
Республикæ Цæгат Ирыстон-Аланийы Сæргълæууæг Сергей Меняйло раарфæ кодта РХИ-йы Президент Гаглойты Аланæн Уæрæсейы Федерацийы ‘рдыгæй Республикæ Хуссар Ирыстоны хæдбардзинад банымайыны боны цытæн.
Арфæйы, сæрмагондæй, дзырдæуы:
«Цытджын Алан Эдуарды фырт!
Арфæ кæнын дæуæн æмæ Хуссар Ирыстоны æппæт адæмæн Уæрæсейы Федерацийы ‘рдыгæй республикæйы хæдбардзинад банымайыны боны цытæн.
Уадз, ацы историон цау, кæцы бафидар кодта Ирыстон æмæ Уæрæсейы хæлардзинады æмæ æнæаскъуыйгæ монон бастдзинад дарддæр дæр уæнт уæ паддзахады сабырдзинад æмæ стабилондзинады нысан.
Мæ зæрдæ зæгъы дæуæн æмæ Республикæ Хуссар Ирыстоны æппæт цæрджытæн дидинæфтыд æмæ амонд!».
***
РХИ-йы Президент Гаглойты Аланæн ма раарфæ кодтой: Приднестроваг Молдоваг Республикæйы президент Вадим Красносельский; Республикæ Хуссар Ирыстоны Республикæ Абхазы уæлвæткон æмæ æххæстбарджын минæвар Елбачиты Алан; Хъæрсе-Черкессийы Сæргълæууæг Рашид Темрезов; УФ-йы Генералон прокурор Игорь Краснов; Республикæ Хъырымы Паддзахадон советы сæрдар Владимир Константинов; УФ-йы Æддагон развæдсгæрсты службæйы директор Сергей Нарышкин; Санкт-Петербургы губернатор Александр Беглов; УФ-йы æмбæстагон хъахъхъæнынады, Уæлвæткон уавæрты æмæ æрдзон æнамонддзинæдтæ аиуварс кæныны хъуыддæгты фæдыл министр Александр Куренков; Донецкы Адæмон Республикæйы Сæргълæууæг Денис Пушилин; Дзæуджыхъæуккаг æмæ Алайнаг архиепископ Герасим; УФ-йы Федералон таможнæйон службæйы сæргълæууæг Владимир Пикалев; РЦИ-Аланийы Хицауады сæрдар Дзанайты Барис; Æппæтдунеон æхсæнадон змæлд «Иры Стыр ныхас»-ы сæрдар Уататы Зелим; Воронежы ирон общинæ «Фарн»; Уæрæсейы Федерацийы Дард Хурскæсæны федералон зылды Республикæ Хуссар Ирыстоны цытджын консул Деметы Ясон; ХПÆ-йы хъуыддæгты, евразийаг интеграци æмæ æмфыдыбæстæйонтимæ бастдзинæдты фæдыл УФ-йы Паддзахадон Думæйы комитеты сæрдар Константин Затулин.
