Æрæджы нæ республикæмæ радон хатт æрцыдысты Уæрæсейы Федералон казначействойы кусджытæ.
Контролон мадзæлтты фæлгæтты уæрæсейаг аудитортæ Мидхъуыддæгты министрады дæр уадзынц басгæрст. Бынаты уынынц службæйон автотранспорт, бахызтысты æхсæнгæрзты æфтауцдæттæм, басгæрстой сæрмагонд нысаны системæтæ æмæ гарзæгтæ. Уымæй уæлдай ма сæхи цæстæй федтой министрады иннæ исад дæр, кæцытæ æлхæд æрцыдысты Уæрæсейы æмæ Хуссар Ирыстоны Мидхъуыддæгты министрадты дыууæварсон бадзырды фæлгæтты.
Казначействойы кусджытæ дарддæр сгардзысты финансон документтæ æмæ æндæр ахæм хъæугæ гæххæттытæ.
Джиоты А.